Albert the Great, Commentarii In Psalmos

Dicit ergo : Cantabo misericordias, et hoc justum, " quoniam dixisti, " hoc est, mihi ostendisti, post quod non licet tacere. Amos, III, 8 : Dominus Deus locutus est, quis non prophetabit? Hoc, inquam, dixisti, Quoniam " misericordia, " supple, tua, " aedificabitur, " non vacillabit, non cito transiet, sicut multorum misericordiae, quibus dicitur Osee, VI, 4 : Misericordia vestra quasi nubes matutina, et quasi vos mane pertransiens. Male fundata est talium misericordia. Et hoc, " in caelis, " id est, per caelos, per Apostolos, qui caeli dicuntur in Psal. XVIII, 1 : Caeli enarrant gloriam Dei. Vel, " in caelis, " id est, in electis tuis, qui caeli sunt, id. est, casa helios, in quibus habitas et sedes. Isa. lxvi, 1 : Caelum sedes mea, supple, est. Utrique autem caeli dicuntur, et Apostoli specialiter, et omnes justi generaliter, quia in caelis desiderio ei certa spe conversantur, secundum illud Apostoli, ad. Philip.III, 20 : Nostra conversatio in caelis est.

" Praeparabitur veritas. " Hic est secundum. Quasi diceret : Sic in caelis aedificabitur misericordia, et hoc per caelos : et veritas tua, id est ; vera promissio tua, " praeparabitur in eis, " id est, per eos, sicut supra : et hoc specialiter in Judaeis. Et Glossa, " Praeparabitur, id " est, praeparata dabitur. " Ad Rom. xv, 8 : Dico enim Jesum Christum ministrum fuisse circumcisionis, propter veritatem Dei, ad confirmandas promissiones patrum.

Vel potest legi ut referatur ad eosdem. Quasi diceret : Misericordia aedificabitur in caelis, in electis scilicet tuis. Et sequitur : " Veritas tua praeparabitur, " antequam misericordia infundatur, " in eis. " Oportet enim antequam homo suscipiat Dei misericordiam se salvantem, quod praeparetur veritate, qua ipse judicet se, secundum illud Eccli.XVIII, 19 et 20 : Ante judicium para justitiam, ecce veritas praeparata : et in conspectu Dei invenies propitiationem. Miserico rdia enim in aliquo non potest aedificari, nisi primo per veritatem praeparantes, cordis vitia exstirpentur. Hinc dictum est, Jerem.I, 10 : Constitui te... ut evellas, et destruas, et disperdas, et dissipes primo, et postmodum ut aedifices, et plantes. Tunc impletur illud Jerem. xxxiii, 7 : aedificabo eos sicut a principio.((Disposui testamentum. Hic tertium, in quo tangit modum exhibendi utrumque, scilicet collationem Novi Testamenti.

Ait enim : Sicut dixisti misericordiam te aedificaturum, misericordiam exhibuisti : et hoc per hoc quod dixisti : " Disposui "jam in aeterna mea ordinatione, " Testamentum " Novum " electis meis, " hoc est, Testamentum Novum, post quod non erit aliud. Primum enim

fuit promissionis, hoc est consummationis. Ad Hebr.IX, 13 : Sub priori Testamento repromissionem accipiant, se dsub Novo rem promissam, secundum illud Psal. CIV, 8 : Memor fuit in saeculum Testamenti sui : verbi, quod mandavit in mille generationes.

" Juravi David. " Hic secundum, in quo sumitur ratio cantandi misericordias, ex parte ejus cui facta est promissio, et tangitur duplex, secundum duplicem promissionem. Prima est de Christo de David nascituro, Secunda, de nato perpetuo regnaturo, ibi, " Et aedificabo. "

In prima tangitur confirmatio promissionis, ibi, " Juravi. " Et quasi causa promissionis, ibi, " David servo meo, " Et ipsa promissio, ibi, " Usque in aeternum. "