QUAESTIO XV. Utrum corpus gloriosum erit clarum ?

D. Thom. in addit. quaest. 85. art. i. et 4. dist. 44. quaest. i. art. 4. Richard. hic art. 4. quaest. 6. D. Bonav. 2. part. art. 2. quaest. i. et 2. Major quaest. 19. Durand. 4. dist. 44. quaest. 8. Snar. 3. part. tom. 2. dist. 48. sess. 2. Soto hic quaest. 4. art. 8.

Utrum corpus gloriosum erit clarum? Videtur quod non. Lucidum occultat illud quod est intra se: sed corpora gloriosa non sic, quia Gregorius 18. Moral. super illud Job : Non aequabitur ei aurum, etc. dicit, quod patebit oculis corporalibus beatorum harmonia interiorum. Et confirmatur ratione, ista harmonia corporis est delectabilis, nam pulchritudo naturae incipit ab intra, e converso pulchritudo artis est tantum extra ; sed beati possunt percipere quodlibet sensibile delectabile ; ergo,etc.

Praeterea, lux et color requirunt determinatam dispositionem contrariam in subjecto: sed corpora gloriosa erunt colorata, per Au gustinum 22. de civit. Dei cap. 19. Pulchritudo corporis est partium congruentia cum quadam coloris suavitate: sed pulchritudo convenit corporibus gloriosis: ergo, etc.

Praeterea, si ibi esset claritas, ergo immutaret visum oculi non gloriosi: sed visibile ab aliquo oculo, si opponitur sibi, necessario videtur: ergo claritas corporis gloriosi necessario videtur, quod apparet esse falsum, sicut patet de Christo, quando apparuit discipulis euntibus in Emmaus, cum tamen corpus Christi esset gloriosum ; igitur, etc.

Contra, Sapientiae 3. dicitur : Fulgebunt justi sicut Sol, etc