Albert the Great, Commentarii In Psalmos

Dicit ergo : Sic laetandum in eo, quia totum potest, et etiam " quia omnes fines terrae, " multo fortius ergo media, " sunt in manu ejus, " in ordinatione scilicet ejus, et regimine. Deut. XXXII, 39 : Non est qui de manu mea possit eruere . Sapient. III, 1 : Justorum animae in manu Dei sunt. Et xvI, 15 : Tuam manum effugere impossibile est. Terra etiam est omnis homo. Genes. III, 19 : Pulvis es, et in pulverem reverteris. " Eines terrae, " qui vivunt in extrema terrenitate, qui etiam regnum Dei non evadunt, " Ei altitudines montium, " ipsa scilicet sublimia, " ipsius sunt, " ad regendum. Hoc patet per aliam litteram, quae habet : " Ipse conspicit. " Alibi, Psal. cxxxvii, 6 : Quoniam excelsus Dominus, et humilia respicit: ei alta a longe cognoscit,

" Quoniam ipsius est mare. " Hic tertium, in quo allegat ad exsultandum in Deo, bonitatis ejus evidentiam. Primo, comparatione ejus ad impios, quos convertit. Secundo, ad bonos, et jam conversos, quos jam fructificare facit, ibi, " Et siccam, "

In prima duo. Primo, ostendit ipsius misericordiam ad impios. Secundo, effectum misericordiae per conversionem illorum, ibi, " Et ipse fecit. "

Ait ergo : Sic praedictis rationibus in Deo exsultate. Quia tam potens est, et tam sapiens : et etiam " quoniam ipsius est mare, " id est, peccatores et impii, qui sunt mare, ab ejus misericordia comprimuntur a multis iniquitatibus et peccatis. Isa. lvii, 20 : Impii quasi mare fervens, quod quiescere non potest. Sed hos reprimit et continet. Job, xxvI, 12 : In fortitudine illius repente maria congregata sunt. Et xxxviii, 8 et seq. : Quis conclusit ostiis mare, quando erumpebat quasi de vulva procedens ? ... et posui vectem et ostia, etc.

" Et ipse fecit illud, " mare scilicet, per misericordiam suam convertendo ad se, ut jam non esset mare, sed. aqua dulcis. Prov. xii, 7 : Verte impios, et non erunt.

" Et siccam, " id est, mentem stabilem et solidam, qualis est mens justa, " manus ejus formaverunt, " imbrem gratiae infundendo ad fructificandum. Tunc enim bene est mens formata sicut terra, quando producit opera bona in fide virentia. Genes. I, 10 : Vocavit Deusaridam, toram, mentem, scilicet stabilem, et solidam. Sed hanc informat, Isa. xliii, 21 : Populum istum formavi mihi, laudem meam narrabit. Talem terram habebat, qui dicebat, Josue, xv, 19 : Terram australem et arentem dedisti mihi : et formam petebat, cum dicebat: Iunge et irriguam . Talem, qui dicebat in Psal. cxlii, 6 : Anima mea, sicut terra sine aqua tibi. Sed formatam habebat, et bene irrigatam, cum dicebat : lavabo per singulas noctes lectum, ''etc.

" Venite adoremus. " Hic secunda pars totius Psalmi, in qua invitat ad lamentationem. Et dicuntur duo. Primo, invitatio. Secundo, persuasio ut acquiescant, per rationes, ibi, " Quia ipse est Dominus Deus noster. "

In prima quatuor. Primo, monet approximare fide, quod respicit cor. Secundo, adorare confessione divinitatis, quod respicit os, ibi, " Adoremus. " Tertio, procidere, et se humiliare, quod respicit totum corpus, ibi, " Et procidamus. " Quarto, cum lacrymis orare, quod ad oculos pertinet. Et sic ad totum pertinet, cor, os, et corpus ibi, " Ploremus ante Dominum. "