Albert the Great, Commentarii In Psalmos

Dicit ergo : Sic exsultet terra, laeteii- tur insulae, et debent, quia " in circuitu ejus, " Domini scilicet regnantis, ad judicium venientis, erit " nubes ei caligo, " id est, nubes caliginosa. Luc. xxI, 27 : Videbunt Filium, hominis venientem in nube. De nube etiam, Ezech. I, 4 : Nubes magna, et ignis involvens. De caligine, Joel, ii, 2 : Dies tenebrarum et caliginis. De utroque, in Psal. xcvI, 2 : Nubes et caligo in circuitu ejus, I n primo etiam adventu fuit nubes, et caligo in circuitu ejus quoad malos, quibus nebulosus et caliginosus apparuit : non enim eum cognoverunt . ''Et dicitur illis fuisse caliginosus et nebulosus, qui in se erat clarissimus, quia non illuminabat ad intelligendum, sicut dicitur indurare, quando non confert gratiam ad paenitendum.

" Justitia, et judicium, " visa et cognita, sunt " correctio sedis ejus, " hoc est, justorum, in quibus sedet. Sapient. viii, per totum caput, Anima justi, sedes Dei est. Haec sedes corrigitur, quando malos videt affligi, tempeslari, excaecari. Jerem. xlvi, 28: Castigabo te in judicio. Per hoc enim quod vident alios affligi, adhaerentes justitiae fidei, de seipsis faciunt judicium, secundum illud Psal. cxviii, 121 : Feci judicium et justitiam, non tradas, etc. 1 ad Corinth., xI, 8:1 : Si nosmetipsos di judicaremus, non utique judicaremur.

" Ignis ante ipsum. " Hic secundum. Immutatio scilicet mundi quantum ad materiam igneam : et hoc dupliciter. Primo, quantum ad materiam igneam, in intimo circa terram. Secundo, in supremo, ibi, " Illuxerunt. "

In prima ergo duo. Primo, ignis antecessio. Secundo, finis, et ratio quare, ibi, " Et inflammabit. "

Ait enim : Sic nubes erit et caligo, et etiam " ignis praecedet ante ipsum, " ad judicium venientem. Psal. xlix, 3 : Ignisin conspectu ejus exardescet, in magna abundantia, et impetu magno. Daniel. VII, 10 : Fluvius igneus, rapidusque egrediebatur a facie ejus. Et calore vehementissimo usque ad elementorum solutionem. II Petr. III, 10 : Elementa calore solventur. Ante ipsum autem in primo adventu praecedebat ignis, scilicet charitatis. Luc. XII, 49 : Ignem veni mittere in terram, etc, quantum ad bonos. Ignis cupiditatis, quoad malos. Eccli. IX, 9 : Concupiscentia, quasi ignis exardescit.

" Et inflammabit inimicos ejus in circuitu, " jam eis quodammodo inchoans viam gehennalem. Daniel. VII, 11 : Vidi quoniam interfecta, esset bestia, malum scilicet, et perisset corpus ejus, et traditum esset ad comburendum igni, Psal. lxxxii:, 15 : Sicut ignis, qui comburit silvam : et sicut flamma comburens montes, ita persequeris, etc. Qui autem sunt inimici determinat, Jacob. IV, 4: Quicumque voluerit amicus esse hujus saeculi, inimicus Dei constituitur. In bono etiam legi potest. Ignis enim charitatis, quo circumdatus fuit in adventu primo, inimicos ejus ad bonum inflammavit, ut erudirentur et amarent. Thren. I, 13 : De excelso misit ignem in ossibus meis, in viribus scilicet animae meae, et erudivit me. Act. ii, 3, Spiritus infundens charitatem apparuit in linguis igneis.

" Illuxerunt fulgura. " Hic immutatio quantum ad caelum, quod est superius. Quasi diceret : Sic ignis inferius comburet, et etiam " fulgura, " quae a superiori descendunt, " illuxerunt, " praeteritum pro futuro, certitudine prophetali, secundum quod refertur ad adventum secundum. Ezech. I. 13 : De igne fulgur egrediens. Hoc est quod dicitur, Matth. XXIV, 27 : Sicut fulgur exii ab Oriente, et paret usque in Occidentem, Apocal. VIII, 5 : Facta sunt tonitrua, et voces,et fulgura. Fulgur etiam, timoris terrentis praecedit ignem charitatis in flammantis, quo dissipantur inimici. In Psal. cxliii, 6 : Fulgura coruscationem, et

dissipabis eos,

" Vidit, et commota est terra, " Hic secundum, in quo tangitur immutatio in extremis, et primo in illo quod est deorsum. Secundo, in eo quod est sursum, ibi, " Annuntiaverunt, "

In prima duo. Primo, terrae immutatio simpliciter. Secundo, modus immutationis, ibi, " Montes sicut cera. "