Albert the Great, Commentarii In Psalmos

Dicit ergo : Sic eis vel eos nocere hominem non reliquit : " et corripuit pro eis reges, " volentes injuriari, et nocere, sicut regem aegypti per Abraham, cujus uxorem abstulerat , ''et Abimelech, regem Gerarae, per Isaac .

" Nolite tangere. " Hic ostenditur modus reprimendi eos. Primo, reprimit eos a malitia in effectu. Secundo, in ipso affectu, ibi, " Et in prophetis. "

Ait enim : Sic pro eis corripuit reges, sed quomodo ? Dicens 3: " Nolite tangere, nolendo affectu, " christos meos, " Abraham, Isaac, Jacob. Ecce adhuc non erat materialis unctio in Judaeis : incepit enim tempore Saiilis : et Patriarchae, christi, id est, uncti appellantur, et quasi Christiani : unde evidens est quod unctos intelligit unctione spirituali, qua omnes dicimur Christiani, de qua in Psal. lxxxvii,21 : Inveni David, servum meum, oleo sancto meo unxi eum. Sed praecique et abundantissime caput omnium Christianorum, Christus, de quo in Psal. xliv, 8 : Unxit te Deus, Deus tuus, oleo laetitiae prae consortibus tuis. Cassiodorus : " At-" tendendum est, quod Patriarchas chri- " stos appellavit, eum adhuc non esset " unctio celebrata. " A Saul autem ista unctio coepit initium : sed hic dicitur, quia erant in spiritu Christiani.

" Et in prophetis. " Ecce secundum, in quo cohibet affectum. Quasi diceret : Sic nolite tangere nocendo in effectu : et etiam " nolite malignari, " in interiori affectu, " in prophetis meis, " id est, contra Prophetas meos, scilicet Patriarchas : erant enim prophetae. Genes. xx, 6 et 7 : Non dimisi ut tangeres eam, Saram scilicet nunc ergo redde viro suo uxorem, quia propheta est : et orabit pro te. Nonne prophetavit de Christo, Genes. XXIV, 2, quando dixit famulo suo : Pone manum tuam subter femur meum, ut ad jurem te per Dominum, etc?

Christi autem, uncti scilicet sunt Praelati, maxime Episcopi et sacerdotes, qui nulla ratione sunt tangendi. Ipsi sunt quibus dixit Dominus, Zachar. II, 8 : Qui tetigerit vos, tangit pupillam oculi mei, I Reg. XXVI , 9 : Quis extendet manum suam in christum Domini, et innocens erit? Quasi diceret: Nullus. Tanguntur autem a tyrannis, in personis aliquando, quod crudele est et horribile, II Reg. I, 14 : Quare non timuisti mittere manum tuam ut occideres christum Domini ? Tanguntur etiam in rebus suis, Job, I, 16 : Ignis Dei cecidit e caelo, et tactas oves puerosque consumpsit. Tanguntur etiam debitum sustentamentum non praebendo, in quo se fortiter tangi conqueritur Dominus, Malach III, 8 : Si affiget homo Deum, quia vos, scilicet gens tota, configitis me ? Et dixistis : In quo configimus te ? In decimis et in primitiis, quas non solvitis. Prophetae autem sunt Doctores contra quos non est malignandum Supra, in Psal. xxxvi, 9 : Qui malignantur, exterminabuntur.''

" Et vocavit famem. " Hic secundum. Postquam enim ostendit protectionis beneficium, ante descensum populi in aegyptum, hic tangit beneficium exhibitum in descensu : et tanguntur tria. Primo, provocatio ipsorum ad descensum.

Secundo, protectio in descensu, ibi, v. 17 : " Misit ante eos. " Tertio, ingressus illorum, ibi, v . 23 : " Ei intravit Israel. "

In prima duo dicuntur. Provocatio enim illorum ad. descensum fuit. Primo ergo tangitur immissio famis. Secundo, causa et modus, quo est immissa fames illa, ibi, " Et omne firmamentum. "