Albert the Great, Commentarii In Psalmos

Dicit ergo : Sic peccaverunt : " Et dixit, " supple, Dominus comminando, " ut disperderet eos. " Exod, xxxii, 9 et 10 : Cerno quod populus iste durae cervicis sit : dimitte me, ut irascatur furor meus contra eos, et deleam eos. Numer. XIV, 11 et 12 : Usquequo detrahet mihi populus iste ? Quousque non credent mihi, in omnibus signis quae feci coram eis. Feriam igitur eos pestilentia, atque consumam,.

" Si non Moyses. " Hic secundum. Quasi diceret: Sic dixi, ut disperderet, quod et fecisset, " si non Moyses, electus ejus. " Eccli. xlv, 4 : Elegit eum exomni carne : " stetisset in conspectu ejus, " in oratione : et hoc " in confractione, " illa scilicet, ne fieret. Exod, xxxii, 31 et 32 : Obsecro, Domine Deus meus, peccavit populus iste peccatum maximum,.,: aut dimitte eis hanc noxam, aut si non facis, dele me de libro tuo quem scripsisti.

Et nota, quod Moyses electus Dei, Christus est, qui est assumptus ex aquis tribulationum et passionum. Marc. XVI, 19 : Et Dominus quidem Jesus, postquam locutus est eis, assumptus in caelum. Hic stetit in sua passione, stat in Sacramenti altaris consummatione, stabit in

judicii exsecutione. In prima statione confractus est ad litteram clavis et lancea. In secunda confringitur in specie accidentium extrinseca. In tertia confringetur in ostensione et apparentia, quando monstrabit omnibus latus et vulnera. Isa. LIII, 5 : Attritus est, omnibus his modis, propter scelera nostra, ut solidaret quod confractum in nobis erat. Ezech. XXXIV, 16: Quod confractum fuerat, consolidabo. Et, Job, XVI, 13, dicitur : Tenuit cervicem meam, confregit me, etc. Confractus ergo Jesus dicitur, non quia confracta fuerunt ejus ossa, Exod. XII, 46 : Nec os illius, scilicet agni paschalis, confringetis . Joan. XIX., 33 : Non fregerunt ejus cura: ''sed proppter multiplicia tormenta quae sustinuit.

" Ut averteret iram, " Ecce tertium. Quasi diceret: Sic stetit in confractione, " ut averteret: " vel, " et averteret, " sic " iram ejus, " scilicet Dei, " ne disperderet eos. " Deuter. IX, 25 et 26: Suppliciter deprecabar, ne deleret vos ut fuerat comminatus : et orans dixi: Domine Deus, ne disperdas populum tuum, et haereditatem tuam, quam redemisti, etc, quod etiam fecit. Propter aliqua bona gratuita servat aliquando multitudinem magnam: nec disperdidisset Sodomitas, Genes. xviii, 32, si decem viros bonos invenisset, Isa. lxv, 8: Quomodo, si inveniatur granum in botro, et dicatur : Ne dissipes illud, quoniam benedictio est: sic faciam propter servos meos, ut non, disperdam totum.

" Et pro nihilo. " Hic secundum, in quo tangitur incredulitas veritatis promissae: in qua duo dicuntur. Primo, culpa. Secundo, paenae comminatio propter illam, ibi, v. 26 : " Et elevavit manum. "

In prima duo, Primo, tangitur infide- litas in corde interius. Secundo, effectus secutus in ore exterius, ibi, v. 25 : " Et murmuraverunt. "

In prima dicuntur duo. Primo, contemptus, et quasi nulla rei promissae reputatio, non credendo quod esset tantum bonum, quantum dicebatur. Secundo, incredulitas verbis promittentis, ibi, " Non crediderunt verbo, " vel, " in verbo. "