Albert the Great, Commentarii In Psalmos

Dicit ergo : Sic afflicti sunt ab inimicis, " et " post omnia, " humiliati sunt sub manibus eorum, " Verum est. Jerem. VI, 23 : Super equos ascendent, praeparati quasi vir ad praelium adversum te, filia Sion, Et, v. 24 : Tribulatio apprehendit nos, dolores ut parturientem. Judic. VI, 6 : Humiliatus est Israel valde in conspectu Madian, et hoc juste factum est, supple, quia " saepe liberavit eos, " et parum valuit. Judic.III,15: Clamaverunt ad Dominum , qui suscitavit eis salvatorem, et liberavit eos. Et, ibidem, VI, 9 et 10 : Liberavi, vos scilicet, de manu aegyptiorum ei omnium inimicorum qui affligebant vos.,. Ei noluistis audire vocem meam.

" Ipsi autem exacerbaverunt. " Hic tangitur humiliationis paena compara- tione ad malum recidivationis : unde duo tanguntur. Primo, eorum recidivatio in culpam. Secundo, paena propter illam, ibi, " Et humiliati sunt. "

Ait ergo : Sic afflicti quia ingrati : " ipsi autem exacerbaverunt eum, " peccata iterando, et hoc, " in consilio suo, " ex certa deliberatione, et praemeditatione. Baruch, IV, 7 : Exacerbastis eum qui fecit vos, Deum aeternum, immolantes daemoniis, et non Deo. Jerem. xxxii, 30 : Erant filii Israel ei filii Juda jugiter facientes malum in oculis meis ab adolescentia sua : filii Israel, qui usque nunc exarcebant me in opere manuum suarum,

" Et humiliati sunt, " hoc modo, " in iniquitatibus suis, " id est, propter iniquitates suas. Psal. CXVIII, 67 : Priusquam humiliarer, humiliatione dejectionis et miseriae, ego deliqui. Et nota hic, quod humiliatur multum homo per peccatum. Primo, de divite fit pauper, Apocal. III, 17 : Quia dicis : Quod dives sum, ei locupletatus, et nullius egeo : et nescis quia tu es miser, et miserabilis, et pauper, ei caecus, ei nudus. De rege coronato fit ribaidus, Job, XII, 18 : Balteum regum dissolvit : propter peccata ipsorum, et praecingit fune, sicut ribaldus, renes eorum. De libero fit servus, Joan. VIII, 34 : Qui facit peccatum, servus est peccati : et tali servus, qui nullo potest placari obsequio, De haerede fit exheredatus, ad Ephes. v, 5 : Omnis fornicator, aut immundus, aut avarus, quod est idolorum servitus, non habet haereditatem in regno Christi et Dei. De milite et nobili fit ignobilis et rusticus, I Reg. II, 30 : Quicumque glorificaverit me, glorificabo eum : qui autem contemnunt me, erunt ignobiles. De sacerdote fit degradatus, 1 Petr. II, 9 : Vos genus electum, regale sacerdotium, dicitur illis qui sunt in gratia. Sed, Osee, IV, 6 : Quia tu scientiam repulisti, repellam te, ne sacerdotio fungaris mihi. Isa. xxii, 19 : Expellam te de statione tua, dicitur peccanti. De templo

Bei fit fanum Bacchi, II Machab. XIV, 33 : Istud Dei fanum in planitiem deducam, et altare effodiam, et templum hoc Libero patri dedicabo, vel consecrabo. Membrum meretricis ad litteram fit de membro Dei, I ad Corinth. VI, 15 : Tollens ergo membra Christi, faciam membra meretricis ? Absit. De sano fit aeger, Luc. x, 30, de illo qui incidit in latrones, qui etiam despoliaverunt eum, et plagis impositis, etc. De pulchro fit turpis, Jerem. xxx, 6 : Conversae sunt universae facies in auruginem. Thren. I, 6 : Egressus est a filia Sion omnis decor ejus. De forti fit debilis, Thren. I, 6: Abierunt absque fortitudine ante faciem subsequentis, vel tribulantis. De stabili fit instabilis, Thren. I, 8 : Peccatum peccavit Jerusalem : propterea instabilis facta est,

" Et vidit cum tribularentur. " Hic secundum, in quo postquam monstravit eorum culpam multiplicem, subjungit divinam misericordiam eis nihilominus exhibitam : et tanguntur primo motiva ad miserendum. Secundo, ipsa misericordia, ibi, in medio V. 45 : " Et paenituit. "

In prima duo. Primo, tangit motivum ex parte ipsorum. Secundo, ex parte patrum, ibi, v. 45 : " Et memor fuit. " in prima duo secundum duo quae in ipsis fuerunt, quae moverunt Deum. Primum, ipsorum tribulatio. Secundo conversatio tribulatorum ad Deum per orationem, ibi, " Et audivit. "