Albert the Great, Commentarii In Psalmos

Dicit ergo : Sic si fueris exaltatus, haec bona provenient, quae praedixi : et etiam " Moab, " superbi. Isa. xiii, 11 : Audivimus superbiam Moab, superbus est valde. " Erit lebes, " vascula, " speimeae, " in quibus erit spes mea. Quasi diceret : Ipsi superbi in Gentibus convertentur, et erunt vasa spei. In alio Psalmo , dicitur olla, quod idem est. Job, xli, 22 : Fervescere faciet Dominus, scilicet fervore bono, quasi ollam profundum mare, cor scilicet profundissimi peccatoris, fervore devotionis, et spei. Zachar. XIV, 20 : Erunt lebetes in domum Domini quasi phialae coram altari. Et sine dubio Moab interpretatur ex patre, et signat filios illius qui. appetit esse pater, scilicet peccatores. Joan. VIII, 44 : Vos ex patre diabolo estis. Isti fiunt lebes spei, quia in ipsis debemus spem accipere. Osee, II, 15 : Dabo et... vallem Achor ad aperiendam spem. Quis enim cogitat misericordiam Dei in peccatores majores, quam fuit Achor , conversos ad Christum, et ab ipso Christo, et non inde haurit spem.? Sicut Magdalenam , Matthaeum 5, Paulum . Sophon. iii, 11 : Auferam de medio tui magniloquos superbiae tuae, superbos scilicet, qui magna sciunt loqui, et pauca facere, ut fiant vasa gratiae meae.

" In Idumaeam. " Hic secundum. Quasi diceret : Sic convertentur superbi, et etiam " extendam calceamentum meum, " humanitatem meam, tamquam calceamentum divinitati unitum, " in Idumaeam, " in sanguineam civitatem, in cupidos, et avaros, qui rapiunt quae pauperum sunt. Eccli. XXXIV, 25 : Panis egentium, vita pauperum est : qui defraudat illum, homo sanguinis est. In tales calceamentum suum Ecclesia extendit, quia fidem de Incarnatione praedicat, et immittit. Isa. lv, 5 : Ecce gentem quam nesciebas, vocabis. Osee, ii, 24 : Dicam non populo meo : populus meus es tu. Hoc calceamentum, cujus corrigiam solvere indignum se fatebatur

Joannes Baptista . Potest etiam dici ipsum Evangelium. Munit enim interiores animae pedes valde fortiter. Ad Roman. I, 16 et 17 : Non enim erubesco Evangelium, Virtus enim Dei est in salutem omni credenti. De hoc calceamento, ad Ephes. VI, 15 : Calceati pedes in praeparationem Evangelii pacis. Sed hoc extensum fuit in Idumaeam, quando per Paulum cupidis de Gentibus dicebatur, I ad Timoth. VI, 9 : Qui volunt divites fieri, incidunt in laqueum, et in tentationem diaboli.

" Mihi alienigenae. " Ecce tertium. Quasi diceret : Sic superbi convertentur, cupidi recipient fidem de incarnatione, et Evangelii praedicatione : et " alienigenae, " luxuriosi, qui alieni sunt multum a Deo, " mihi amici facti sunt, " id est, fient, si fecerint quae supra petii in Psal. lxxxvi, 4 : Ecce alienigenae, ei Tyrus, et populus aethiopum, hi fuerunt illic. Abdiae, v. 1 : Legatum ad Gentes misit : quae erant a Deo alienae, sicut dicit eis postmodum Paulus, propter enormia peccata luxuriae, Ad Ephes. ii, 12 : Eratis in illo tempore sine Christo, alienati a conversatione Israel,

" Quis deducet me ? " Hic secundum, in quo ostendit per quem fecit haec omnia bona, completo etiam quod petitum est supra : quia non humana sapientia, sed potentia divina. Et hoc facit quaerendo, respondendo, et orando. Primo quidem quaerit per quem fieri poterit. Secundo, ostendit per ipsum Deum, non per alium, ibi, v. 12 : " Nonne tu Deus ? " Tertio, petit ut ipse faciat quod sine ipso nequaquam poterit, ibi, v. 13 : " Da nobis auxilium. "

In prima duo secundum duplicem quaestionem quam facit, propter duplicem difficultatem quam conspicit in convertentibus. Primo ergo quaerit per quem rebelles contra Deum converti poterunt, et mutari. Secundo, per quem peccatis abominabiiibus inquinati, ibi, " Quis deducet me usque in Idumaeam? "