Albert the Great, Commentarii In Psalmos

Dicit ergo : Sic monui ad laudem Dei pro beneficiis in capite Christo exhibitis : et me etiam promisi laudaturum, et vos, o " pueri, " non aetate, sed simplicitate, et cordis puritate, " laudate Dominum. " Talium enim laus speciosa est, non in sordibus peccatorum voluptuantium. Eccli. xv, 9: Non est speciosa laus in ore peccatoris, sed pueri. Psal. viii, 3 : Ex ore infantium et lactentium, qui carent malitia, nec fantur detractionis, adulationis, et blasphemiae verba, et sugunt lac doctrinae, perfecisti laudem, ut sint laudantes pueri, puritate oris, puritate cordis, et puritate operis. Daniel. III, 51 : Tunc hi tres, scilicet pueri, quasi ex uno ore laudabant, ei glorificabant, et benedicebant Deum in fornace, dicentes, etc. Augustinus : " Sit sene" ctus vestra puerilis, et pueritia senilis, " id est, ut nec sapientia vestra cum succ perbia, nec humilitas sine sapientia, cc ut laudetis Dominum in saeculum sae-" culi. "

cc Laudate nomen Domini. " Ecce secundum. Quasi diceret: Sic laudate Dominum, nec solum ipsum in se, sed cc laudate nomen Domini, " id est, Dominum in suo nomine, quod est nomen purum, et pietate redundans. Cantic. I, 2 : Oleum effusum nomen tuum. Nomen salubre, Act. IV, 12 : Nec aliud nomen est sub caelo datum hominibus, in quo oporteat nos salvos fieri. Nomen excelsum, Ad Philip. II, 9 : Donavit illi nomen, quod est super omne nomen. Propter hoc dicitur, Eccli. li, 15 : Laudabo nomen tuum assidue. Joel, II, 26 : Laudabitis nomen Domini Dei vestri, qui fecit mirabilia vobiscum.

" Sit nomen Domini. " Hic invitat ad laudis perpetuitatem. Quasi diceret: Sic laudate nomen : et " nomen Domini sit benedictum, " a nobis non ad tempus : sed, cc ex hoc nunc et useque in saeculum. " Et superfluit more Hebraico, hoc est, usque in aeternum, vel usque in saeculum futurum. Quasi diceret, quod non est cessandum ab ejus laude. De isto, Tob. iii, 23 : Sit nomen tuum, Deus Israel, benedictum in saecula. Eccli. li, 8 : Laudabit usque ad mortem anima mea Dominum. Et certe si sic est, post mortem non cessabit, etsi non audiatur. Psal. xxxiii, 2: Benedicam Dominum in omni tempore, imo ultra omnia tempora. Daniel. iii, 52 : Benedictum nomen gloriae tuae sanctum, ei laudabile, et superexaltatum in omnibus saeculis. cc A solis ortu. " Hic tertium. Quasi diceret: Sic monui ut laudetur, et semper, " a solis ortu sit. laudabile nomen Domini, " id est, laudetur, et laudabile reputetur, quod in se semper est laudabile, cc usque ad occasum, " Malach. I, 11 : A solis ortu usque ad occasum ma-

gnum est nomen meum in Gentibus, Isa, XXIV, 16 : A finibus terrae laudes audivimus, gloriam justi. Et, xlii, 10: Cantate Domino canticum novum, laus ejus ab extremis terrae. Et, xlv, 6 : Sciant hi cui ab ortu solis et qui ab occidente, (pioniam absque me non est, supple, Deus.

" Excelsus super omnes gentes, " Hic secunda pars Psalmi, scilicet ratio, et causa quare laudandus: quia cum esset tam excelsus, usque ad conversionem Gentium humiliari est dignatus: unde dicuntur duo. Primo, ipsius celsitudo. Secundo, celsitudinis humiliatio, ibi, v. 6 : " Et humilia respicit, "

In prima duo. Primo, tangitur ipsius celsitudo. Secundo, celsitudinis incomparabilitas, et magnitudo, ibi, v. 5: " Quis sicut. "

In prima duo. Primo, celsitudo divina comparatione ad inferiores creaturas. Secundo, comparatione ad superiores, ibi, " Et super caelos. "