Albert the Great, Commentarii In Psalmos

Dicit ergo : Sic conversi sunt, et Apostoli cum suis successoribus sunt laetati : sed per quem hoc factum est ? Ecce : " Terra mota est, " scilicet Judaeorum terrena corda mota sunt ad paenitentiam et conversionem, " a facie Domini, " a praesentia scilicet Domini. Baruch, III, 38 : Post haec in terris visus est, et cum hominibus conversatus est. Et a praesentia etiam spirituali : quia praesens est per clementiam suam et gratiam, quam infundit in illis intuitu suo, sicut Matthaeum intuitus est , et Petrum . Proverb. xx, 8 : Rex qui sedet in solio judicis, dissipat omne malum intuitu suo. De utroque potest intelligi illud Psal. lxvii, 9 : Terra mota est, etenim caeli distillaverunt a facie Dei Sinai, Et, Judicum, v, 4 et 5 : Terra mota est, caelique ac nubes distillaverunt aquis. Montes fluxerunt a facie Domini. Isa. lxiv, 1 : Utinam dirumperes caelos, et descenderes ! a facie tua montes defluerent.

" A facie. " Hic secundum. Non a facie cujuscumque dei, hoc dico fieri, sed " a facie, " id est, a praesentia, et a clementia " Dei Jacob. " Hoc dico fieri ab eo qui est Deus antiquus, et non recens. Exod, III, 6 : Ego sum Deus Abraham, Deus Isaac, ei Deus Jacob, In Psal. lxxx, 9 et 10, supra : Israel, si audieris me, non erit in te deus recens.

" Qui convertit petram. " Hic ostendit, quod per, Deum fieri hoc necesse fuit, nec posset per alium, quod fuit secundum. Et primo, quantum ad conver- sos de perversis moribus ad gratiam. Secundo, quantum ad conversos de infidelitate ad fidem, ibi, " Et rupem. "

Ait enim : Sic dixi, quod haec facta sunt " a facie Domini, " hoc est, ab ejus praesentia et spirituali et corporali : et necesse fuit : " qui, " id est, quia ille " convertit, " haec faciendo, " petram, " plebem suam durissimam, " in stagna aquarum, " in. loco gratiarum, sicut stagna loca sunt stantium aquarum.

" Et rupem, " eamdem scilicet plebem duram sicut rupes, " in fontes aquarum, " in abundantiam scilicet Scripturarum ad alios derivatarum, sicut aperte videmus in Paulo factum, qui prius durus erat sicut petra, et factus est vas gratiarum. Act. IX, 15 : Vas electionis est mihi iste, ad portandum gratiam meam. I ad Corinth. xv, 10 : Non ego autem, sed gratia Dei mecum. Et, II ad Corinth. xii, 9 : Sufficit tibi gratia mea. Et prius sicut rupes durus, factus est fons doctrinarum abundantissime irrigans totum mundum. Proverb. v, 16 : Deriventur fontes tui foras. Sic Stephanus de dura petra stagnum factus est, Act. VI, 8 . Stephanus plenus gratia et fortitudine. Et etiam fons doctrinarum. In eodem, v. 10 : Et non poterant resistere sapientiae et Spiritui qui loquebatur. Isa. xxxv, 6 et 7 : Scissae sunt in deserto aquae, et torrentes in solitudine. Et quae erat arida, erit in stagnum, et sitiens in fontes aquarum.

Petra etiam et rupes fuit Christus. I ad Corinth. x, 4 : Deira autem erat Christus. Daniel, II, 34 : Abscissus est lapis de monte sine manibus : ei percussit stalliam.,., ei comminuit. Sed hunc lapidem percussit Deus, percuti in cruce fecit gladio lanceae , et egressae sunt aquae largissimae ad abluendum totum mundum. Aquae, quas non poterat Ezechiel transvadere . Aquae dulcissimae, imo mel, oleum. Deuter. xxxii, 13 : Ut sugeret mel de petra, oleumque de saxo durissimo.''

" Non nobis, Domine, non nobis. " Hic secundum totius primae partis Psalmi.

Actum enim est de Judaeorum particulari conversione, hic subjungitur de Dei laude pro conversione illa, cum idolorum detestatione : et secundum hoc dicuntur duo. Primo enim agitur de divina laude propter praecedens beneficium. Secundo, de simulacrorum detestatione, ibi, v. 4 : " Simulacra Gentium. "

In prima duo. Primo, petit a Deo singularem ejus glorificationem. Secundo, addit petitioni persuasionem, ibi, in medio v, 2 : " Nequando dicant. "

In prima petit primo, ut Deus sui, non hominum procuret gloriam. Secundo, ostendit super quo eum gloriari velit, ibi, v. 2 : " Super misericordia. "