Albert the Great, Commentarii In Psalmos

Dicit ergo : " Immaculati, " sine macula peccati viventes, " in via, " ad litteram in praesenti vita, quae debet esse via ad vitam, sunt " beati: " quippe quia nimis arduum et difficile est, quamdiu sumus in hac vita, quin et nos maculamur. Eccli. XIII, 1 : Qui tetigerit picem, inquinabitur ab ea. Sed in patria non est sic, Apocalyps. XIV, 5 : Sine macula sunt ante thronum Dei, Existentes etiam in via fidei. Fides enim formata via est. Isa. xxx, 21 : Haec est via, ambulate in ea, II ad Corinth. v, 7 : Per fidem ambulamus, et non per speciem. In hac qui vere sunt, immaculati sunt. Ipsa enim a macula mundat. Psal. XVIII, 8, supra : Lex Domini immaculata : lex Domini, fides scilicet formata, immaculata, per effectum : convertens animas. Act. xv, 9 : Fide purificans corda eorum. Via est Christus, qui dicit, Joan. XIV, 6 : Ego sum via, ei veritas, et vita. Fer hanc pollutus non incedit. Isa. xxxv, 8 : Via sancta erit, ei non transibit pol-

Iulus per eam. In via ergo vitae, fidei, et Christi existentes immaculati, " beati " sunt. Eccli. XXXI, 8 : Beatus dives, qui inventus est sine macula, beatitudine viae. Per pulchras enim vias incedere, quaedam beatitudo est. Et, Proverb. iii, 17, dicitur : Viae ejus, Dei scilicet, viae pulchrae, " Qui ambulant, " id est, quia illa ambulant, " in lege Domini, " ipsam custodiendo. Exod, XVI, 4 : lentem eum, scilicet populum, utrum ambulet in lege mea, an non. Non enim sistendum invia Dei, nec in lege, sed semper ambulandum. Sapient. VII, 22 : Spiritus intelligentiae, qui monet in hac via existentem, mobilis est. Joan. XII, 35 : Ambulate dum lucem habetis, divinae legis. Proverb. v, 23 : Mandatum lucerna est, et lex lux,

" Beati qui scrutantur. " Hic tangitur causa secunda beatitudinis.

Quasi diceret: Sic beati qui ambulant in lege, et etiam " beati qui, " id est, quia illi " scrutantur, " diligenter perquirenda, " testimonia ejus, " Scripturas scilicet sacras, quae ei testificantur. Joan. v, 39: Scrutamini Scripturas:... et illae sunt, quae testimonium perhibent de me. Et per hoc beati sunt vere jam in via, quia, Proverb. III, 13, dicitur : Beatus homo qui invenit sapientiam, qua cognoscuntur aeterna. Et haec invenitur in sacra Scriptura. Joan. xvii, 3 : Haec est vita aeterna, ut cognoscant te : quae jam inchoat hic in via, in patria consummanda. Baruch, III, 4 : Beati sumus, Israel, quoniam quae Deo placent, manifesta sunt nobis. Et haec manifestatio per Scripturas scrutatas invenitur. Cum scrutamur Scripturas sacras, tunc nobis loquitur, et sapientiam suam nos facit audire. III Reg. x, 8 : Beati viri tui, et beati servi tui, qui stant coram te semper, et audiunt sapientiam, tuam. Et bene praemisit, sicut vult Glossa, quod immaculati, et in lege ambulantes, quia aliter non. est quis dignus scrutari Scripturas et perquirere, nisi sit probatae vitae.

" In toto corde. " Hic tertia causa. Quasi diceret : Sic sunt beati immaculati, quia legem custodiunt, Scripturas scrutantur, et etiam quia illi " exquirunteum, " Deum scilicet, " in toto corde, " non in cordis parte, ne dicatur eis illud Osee, x, 2 : Divisum est cor eorum, nunc interibunt. Eccli. I , 36 : Ne accesseris ad illum duplici corde, sed toto et integro : sic poteris invenire. Deuter. IV, 29 : Invenies Deum, si tamen toto corde quaesieris eum. Jerem. XXIX, 13 : Quaeretis me, ei invenietis, cum quaesieritis me in toto corde vestro.

" Non enim qui operantur iniquitatem. " Hic secundum, in quo commendato statu bonorum cessantium a peccato intuitu praemii, sequitur vituperatio status permanentium in peccato.

Ait enim : Tales, scilicet immaculati, beati : " enim, " sed, " qui operantur iniquitatem, " non solum exterius, sed etiam interius : et appellat iniquitatem omne peccatum. I Joan. iii, 4 : Omnis qui facit peccatum, ei iniquitatem facit: et peccatum est iniquitas. " Non ambulaverunt in viis ejus, " Dei scilicet, id est, a Deo statutis : quippe talis tortuose incedit, et viae justorum sunt rectae, Isa. XXVI, 7 : Semita justi recta est, rectus collis justi ad ambulandum. Talis ambulat in tenebris. Proverb. IV, 18 : Justorum semita quasi lux splendens procedit, et crescit usque ad perfectam diem. Ambulat etiam in limosis, et lutosis, in quibus usque ad umbilicum infigitur frequenter, secundum illud Psal. lxviii, 3, supra : Infixus sum in limo profundi. Sapient. v, 7 : Ambulavimus vias difficiles, ad exeundum de illis. Sed via justi pulchra, et munda, etc. Proverb. iii, 17 : Viae ejus viae pulchrae, et semitae ejus semitae pacificae.

" Tu mandasti, " Hic secundum hujus partis, in qua agit de cessatione a malo.

Postquam enim tetigit . de cessatione a malo intuitu praemii, subjungit de cessatione intuitu divini praecepti : et dicuntur duo. Primo, miratur divinae jussionis districtionem. Secundo, subjungit supplicationem, ut detur ei custodire quod jubet Dominus, et in custoditis perseverare, ibi, v. 5 : " Utinam dirigantur. "