Albert the Great, Commentarii In Psalmos

Dicit ergo : Sic desidero, ut evitem confusionem : quod si dederis, " confitebor tibi, " confessione laudis, et gratiarum actionis, et non ero ingratus, sciens quod Joas, rex Juda, et filius ejus, non sunt annumerati in genealogia regum , quia fuerunt ingrati beneficiis Joiadae, summi pontificis, interficientes filium suum, Zachariam, inter templum et altare . Sapient. XVI, 29 : Ingrati spes tamquam hibernalis glacies tabescet. Psal. xlviii, 19 : Confitebitur tibi, cum benefeceris et.''

Confitebor ergo, et hoc " in directione cordis mei, " supple, ad te : qui enim ad hoc benedicit ut hominibus placeat, ut aliquid temporale acquirat, procul dubio non confitetur in directione cordis. Confitendum enim est Domino in corde vivo. Eccli. xvii, 26 : A mortuo, quasi nihil, perit confessio. Psal. cxiii, 17 : Non mortui laudabunt te, Domine. Isa. xxxviii, 19 : Vivens, vivens ipse confitebitur tibi. Et corde integro, non partito. Supra, in Psal. cx, 1 : Confitebor Ubi, Domine, in toto corde meo. Quippe partitum mortuum est. Osee, x, 2 : Divisum est cor eorum, nunc interibunt. Et in recto, et directo ad te, sicut hic dicitur. Et sic confitentem Deus trahit ad se. Job, XXXIV, 14 : Si direxerit ad Deum cor suum, spiritum illius et flatum ad se trahet.

Sic ergo confitebor " in eo, " id est, propter, " quod didici, " a te, non ab alio. Joan. VI, 45 : Erunt omnes docibiles Dei. " Judicia justitiae tuae, " judicia discretionis in praesenti, quibus apud te discernis bonos a malis, secundum illud Psal. xlii, 1 : Judica me, Deus, et discente causam meam de gente non sancta. Joan III, 18 : Qui non credit, jam judicatus est. Et judicia diffinitionis et retributionis in futuro, de quibus, Daniel. vii, 10 : Judicium sedit, ei libri aperti sunt, et judicati sunt ex iis, quae, scripta erant in libris.

" Justificationes tuas. " Hic secundum, per quod suadet, et quasi diceret: Sic laudabo, insuper et " custodiam justificationes tuas, " opera justitiae faciendo. Supra, in Psal. CIV, 44 et 45 : Dedit illis regiones gentium, et labores populorum possederunt : ut custodiant justificationes ejus.

" Non me derelinquas. " Hic secundum, quod petit, scilicet ut ei detur perseverare in custodia mandatorum et justi ficationum.

Ait enim : Sic desidero ut dirigantur viae meae : et tunc custodiam justificationes : et tu, Domine, " non me derelinquas usquequaque, " hoc est, finaliter : secundum aliam. litteram, " usque valde. " Deus enim ad modi eum aliquando suos derelinquit. Isa. liv, 7 : Ad punctumin modico dereliqui te, supple, et hoc passionibus aliquando exponendo. Aliquando vero exponendo tentationibus, ut virtus perficiatur, sicut Paulum, cui datus est angelus Satanae, stimulus scilicet carnis suae, ut ipsum colaphizaret . Et in eodem, II ad Corinth. xii, 9 : Virtus in infirmitate perficitur. Sed derelinquit usque valde, quando in impatientiam, vel in mortalem culpam cadere permittit. Supra, in Psal. lxx, 11: Deus dereliquit eum : persequimini, et comprehendite eum.

In hoc octonario, in quo ostenditur quomodo cessatur a peccato intuitu praemii, et mandati Dei, et oratur ut detur intelligere mandata, et proficere, et perseverare, et ob hoc bene Aleph AdminBookmark , quod interpretatur doctrina, praeponitur.

BETH AdminBookmark g. In quo corrigit adolescentior viam

suam? in custodieodo sermones tuos. 10. In toto corde meo exquisivi te :

ne repellas me a mandatis

tuis. 11. In corde meo abscondi eloquia tua, ut non peccem tibi. 12. Benedictus es, Domine: doce me

justificationes tuas.

13. In labiis meis pronuntiavi omnia judicia oris tui.

14. In via testimoniorum tuorum delectatus sum, sicut in omnibus divitiis.

15. In mandatis tuis exercebor, et considerabo vias tuas.

16. In justificationibus tuis meditabor, non obliviscar sermones tuos.

BETH AdminBookmark

" In quo corrigit. " Actum est in praecedenti octonario, de merito incipientium, quantum ad cessationem a malo, hic quantum ad correctionem mali, a quo cessatum est, quod non. fit nisi per custodiam legis Dei.

Sic ergo procedit in hac parte. Primo, ostendit per quid sit vitae correctio, in illo etiam qui magis fervens est in peccato, scilicet adolescens. Secundo, petit in persona talis, ut ei detur legis adimpletio, ibi, v. 10 : " In loto corde. " Tertio, promittit, ut persuadeat, et illum moveat a quo petit, ibi, v. 15 : " In mandatis. "

In prima duo, per quae propositum ostendit. Primo, interrogatio. Secundo, responsio, ibi, " In custodiendo sermones. "