Albert the Great, Commentarii In Psalmos

Dicit ergo : Sic, Domine, suis persecutionibus fere me consummaverunt : " ego autem, " quantumcumque persequerentur me, " non dereliqui mandata tua, " secundum illud Proverb. IV, 2 : Donum bonum tribuam vobis, legem meam ne derelinquatis. Et, III, 11 : Disciplinam Domini, fili mi, ne abjicias. Et, supra, v. 3 : Misericordia et veritas, de quibus sunt omnia mandata Domini, te non deserant. In mandatis enim Domini, quae sunt de charitate, debemus fortiter stare, nullo modo ab illis separari, sicut ille qui dicebat, ad Roman. viii, 35 : Quis nos separabit a charitate Christi ? Quasi diceret : Nullus. Hic est locus quem non derelinquamus. Eccle, x, 4 : Si spiritus potestatem habentis ascenderit super te, locum tuum ne dimiseris.

" Secundum misericordiam, " Hic secundum. Quasi diceret : Sic usque modo perseveravi, sed ut ulterius possim continuare, " vivifica me : " et hoc non secundum merita mea, sed " secundum misericordiam tuam : " opus enim tuum sum, quidquid sum naturae, seu gratiae. Habac. III, 2 : Domine, opus tuum, in medio annorum vivifica illud. Opus tuum extra te qui vita es, non potest esse nisi mortuum. Act. XVII, 28 : In ipso vivimus, et movemur, et sumus. Osee, VI, 3 : Et vivemus in conspectu ejus, scilicet inter Gentes. Job, x, 12 : Vitam et misericordiam tribuisti mihi.

" Et custodiam. " Hic tertium. Quasi diceret : Sic non dereliqui usque modo, et petii, ut etiam nunc me iustifices, " et " sic " custodiam, " perseverando in bis, " testimonia oris tui, " tamquam. cordi meo ligata, et in Christo signata, secundum illud Isa. viii, 16 : Liga testimonium, signa legem in discipulis meis. Custodiam etiam testimonia tua, martyria amando, et sustinendo, si opus sit, libenter illa.

Vide ergo quomodo in hoc octonario se desiderare cognitionem certam ostendit, et ad hoc totis viribus inclinatum, et praeparatum, et velle adimplere, et perseverare in adimpletione. Unde huic octonario recte praeponitur littera Hebraica caph AdminBookmark , quod interpretatur incurvatus, incurvatione bona, quae est humilitas, non erectus erectione superbiae et elationis, de qua, Job, xv, 26 : Cucurrit adversus eum, scilicet Deum, erecto collo.

Lamed AdminBookmark

89. In aeternum, Domine, verbum tuum permanet in caelo.

90. In generationem et generationem veritas tua : fundasti terram, et permanet.

91. Ordinatione tua perseverat dies, quoniam omnia serviunt tibi.

92. Nisi quod lex tua meditatio mea est, tunc forte perissem in humilitate mea.

93. In aeternum non obliviscar justificationes tuas, quia in ipsi vivificasti me.

94. Tuus sum ego : salvum me fac, quoniam justificationes tuas exquisivi.

95. Me exspectaverunt peccatores ut perderent me, . testimonia tua intellexi.

96. Omnis consummationis vidi finem, latum mandatum tuum nimis.

LAMED AdminBookmark

" In aeternum, Domine, " In hoc quarto octonario, sicut dictum fuit supra, agitur de merito proficientium in cognitione divinae cliaritis. Ad hanc autem ascenditur per contemplationem creaturarum, et per meditationem Scripturarum. Tria ergo dicuntur in hoc octonario. Primo, agitur de contemplatione aeternae legis in creaturis. Secundo, de meditatione in Scripturis, quam sit utilis, ibi, v. 92 : " Nisi quod lex tua, " Tertio, relinquitur ex his cognitio charitatis certissima in ultimo versu, ibi, v. 96 : " Omnis consummationis. "

In prima dicuntur duo. Primo, contemplatio legis aeternae in. ipsis creaturis. Secundo, ratio, et causa, quare sit in illis, ibi, in medio v. 91 : " Quoniam omnia serviunt tibi. "

In prima quatuor. Primo, contemplatio legis aeternae in rationabili creatura superiori, scilicet angelica. Secundo, in rationabili inferiori, scilicet humana, ibi, v. 90 : " In generationem et generationem. " Tertio, in irrationabili inferiori, ibi," Fundasti terram. " Quarto, in irrationabili superiori, ibi,v. 91 : " Ordinatione tua. "