Albert the Great, Commentarii In Psalmos

Dicit ergo : Sic non possumus in aliena terra cantare, tamen, o tu " Jerusalem, " vel materialis quantum ad materialiter captivatos, vel spiritualis quantu m ad detentos in spirituali Babylonia, quasi in captivitate, " si oblitus fuero, tui, oblivioni detur dextera mea, " id est, vita aeterna, ut non sim particeps illius, nec in illa sim sicut agnus, vel ovis. Matth. xxv, 33: Oves quidem ponet a dextris, haedos autem a sinistris. Ut non sim amplexatus ab illa, sicut illa anima, quae dicebat, Cantic. II, 6 : Laeva ejus sub capite meo, et dextera illius amplexabitur me. Summe enim cavendum est homini, ut in miseria bonorum recordetur. Eccli. XI, 27 : In die bonorum,ne immemor sis malorum, etc. Ambrosius : " Oportet multoties reminisci, " quod mundus cogit oblivisci. " Aliter cito incurrit homo illam maledictionem, Job, XXIV, 20 : Obliviscatur ejus misericordia. Jerem. LI, 50: Nolite stare: recordamini procul Domini, et Jerusalem ascendat super cor vestrum.

" Adhaereat lingua. " Hic secundum, in quo imprecatur sibi loquelae amissionem, propter amissionem memoriae.

Quasi diceret : Non tantum dextera obliviscatur me in futuro, imo et misericordia in praesenti. " Adhaereat lingua mea faucibus meis : " ut omnino mutus fiam, " si non meminero tui. " Primo, mutus efficitur homo propter peccatum proprium. Mich. VII, 16 : Ponent manum super os. Glossa: " Mutus sit, quia " memor Dei non est. " Gregorius: " Ne-" cesse est ut sileat lingua, ubi aegra est " conscientia. " Et propter alienum, ut dictum est, Ezechiel. iii, 26 : Linguam tuam adhaerere faciam palato tuo, et eris tacens, et non poteris loqui: quia domus exasperans est. Propter hoc non erat mutus Isaias, qui dicebat, Isa. XXVI, 8 : Nomen tuum et memoriale tuum.in desiderio animae, constat, quod suae. Et Jeremias dicebat, Thren. iii, 20 : Memoria memor ero. Et, Osee, XIII, 8: Memoriale ejus sicut vinum Libani.

" Si non proposuero. " Hic secundum totius hujus partis, in quo imprecatur sibi, si careat spirituali laetitia illa, et principaliori.

Ait enim : Sic amittam vitam aeternam, et loquelam, si non habuero Jerusalem recordationem, et etiam " si non habuero, " laetitiam tui, o " Jerusalem, " et hoc " in principio laetitiae meae, " hoc est, si non primo et principaliter in te gavisus fuero, accidant mihi praedicta. Illa ergo superna Jerusalem prima omnium est quaerenda. Matth. VI, 33: Quaerite primum regnum Dei.

Et in nostris laetitiis praeponenda, sicut hic dicitur. Tob. xiii, 18 : Beati omnes qui diligunt te, et qui gaudent super pace tua. Isa. lxvi, 10 : Laetamini cum Jerusalem, et exsultate in ea, omnes qui diligitis eam. Hanc laetitiam spiritualem non curant sacerdotes mali, sed magis in his quae ad Babyloniam pertinent, exsultant. II Machab. IV, 14: Sacerdotes... contempto templo et sacrificiis neglectis, festinabant participes fieri palaestrae. Proverb. II, 14 : Laetantur cum male fecerint, et exsultant in rebus pessimis." Memor esto, Domine. " Hic secunda pars totius hujus Psalmi, in qua postquam ostendit sanctorum miseriam in hac vita, cum consolatione tamen aliqua, invehitur contra malos. Primo, illis imprecando ut puniantur hic pro malis propriis. Secundo, insultando illis, ibi, v. 8: " Filia Babglonis. "

In prima duo. Primo, supplicatio ut puniantur pro malitia in bonos exercitata. Secundo, specificatio illius malitiae, ibi, " Qui dicunt: Exinanite. "

Dixit ergo: Existentes in Babylonia cantare non possumus, etsi aliquam consolationem habeamus: nunc autem rogamus, " Domine, memor esto, " ad paenam, " filiorum Edom, " et hoc, " in die Jerusalem, " ab eis destructae adjuvantibus Babyloniis. Sic ad litteram fuit, quia Idumaei adjuverunt Babylonios. Vel, " in die Jerusalem, " id est, quando restitues Jerusalem. Et sic factum est ad litteram: multum enim afflicti sunt propter peccatum, quod in fratres commiserant. Descenderunt enim ab Esau, qui alio nomine dictus est Edom . Thren. IV, 21: Gaude et laetare, filia Edom, quae habitas in terra Hus ! ad te quoque perveniet calix, inebriaberis, atque nudaberis. Et, Jerem. xlix, 10: Ego disco- operui Esau, revelavi abscondita ejus. Abdiae,v . 10 : Propter iniquitatem in fratrem tuum Jacob, operiet te confusio, et peribis in aeternum. Sic Sancti clamant conformantes se divinae justitiae, pro afflictione impiorum. Apocal. VI, 10 : Usquequo, Domine Deus, non vindicas sanguinem nostrum ? etc. Vindicabit, et memoriam de malis habebit, ad eorum vindictam. Apocal. XVI, 19 : Babylon magna venit in memoriam ante Deum, dare illi calicem vini indignationis irae ejus.''

" Qui dicunt: Exinanite. " Hic secundum, in quo specificat illorum malitiam, quae fuit mutua exhortatio ad vehementem Jerusalem destructionem. Duo ergo dicuntur. Primo, mutua exhortatio ad destructionem Jerusalem. Secundo, ad destructionis vehementiam, ibi, " Exinanite. "

Ait enim: " Exinanite " Jerusalem, id est, vacuam, et annihilatam reddite in habitatoribus : " exinanite eam usque ad fundamentum in ea " existens, ut nec inveniatur fundamentum. Abdiae, v. 11 : Quando capiebant alieni exercitum ejus, et extranei ingrediebantur portas ejus, et super Jerusalem mittebant sortem, tu quoque eras quasi unus ex eis. Sic mali se mutuo exhortantur ad destructionem Ecclesiae, usque ad fundamentum, scilicet usque ad fidem. Sicut enim supra fundamentum fabrica, sic supra fidem opera. Apocal. XXI, 19 : Fundamentum ejus jaspis, qui est viridis coloris. Sed non sufficit nostris persecutoribus opera destruere in nobis, nisi et fundamentum destruatur, hoc est, nisi corrumpatur. Jerem. II, 16: Filii Mempheos et Taphnes constupraverunt te usque ad verticem. Eccli, xiii, 8: Confundet te in bis , in persuasionibus suis, ut destruat opera bona, donec te exinaniat bis et ter, ''corrumpendo fidei fundamenta.

" Filia Babylonis. " Hic secundum. Praemissa enim imprecatione contra inimicos, hic subjungitur de eorumdem irrisione : et tanguntur tria. Primo, praedicit cito futuram miseriam Babylonicam. Secundo, beatum ipsam affligentem, ibi, " Beatus qui retribuet. " Tertio, causam tantae miseriae, et beatitudinis impugnantium eam, ibi, v. 9 : " Beatus qui tenebit. "