Albert the Great, Commentarii In Psalmos

Dicit ergo : Sic Filium mittit, vel misit, et sermo cucurrit, et etiam ipse est " qui dat nivem, " peccatorem frigidum et fragilem qui sicut nix est, " sicut lanam, " ut sit quasi lana, quae est materia vestis, ut inde vestiatur Deus. Peccatores ergo nix sunt, quos Deus reservat, ut in lanam convertat. Job, xxxviii, 22. : Numquid ingressus es thesauros nivis, aut thesauros grandinis adspexisti ? Psal. XXXII, 7 : Ponens in thesauris abyssos. Job, XXIV, 19 : Ad nimium calorem transeat ab aquis nivium, a statu scilicet peccatorum, ad calorem nimium charitatis. Ecce vestis.

" Nebulam, " nebulosum et obscurum peccatorem per ignorantiam, " spargit sicut cinerem, " id est, sic vere paenitentes, quod se reputat cinerem. Nebula dicitur peccator : quia a Deo cito solvitur, sicut a sole nebula. Isa. xliv, 22 : Delevi ut nubem iniquitates tuas, et quasi nebulam peccata tua. Eccli, xliii, 15 : Aperti sunt thesauri, divinae misericordiae, et evolaverunt nebulae sicut aves, id est, peccatores ad alta sunt elevati. Hoc est quod hic dicuntur spargi sicut cinis, id est, poenitens verus, quia Jonae,

III, 6, dicitur : Abjecit rex vestimentum suum a se, et indutus est sacco et sedit in cinere. Et Abraham vere humilis dicebat, Genes. xviii, 27 : Loquar ad Dominum meum, cum sim pulvis et citiis. cc Mittit crystallum suam. " Hic tertium, scilicet obstinatorum ipsorum conversio.

Ait enim : Sic nivem in lanam, nebulam vero convertit in cinerem, et " mittit " per mundum ad alios reficiendum et pascendum, " crystallum suam, " vel " suum " (melius enim dicitur hoc crystallum secundum Priscianum, quam haec crystallus, vel hic) " sicut buccellas, " quae reficiunt, vel panis frusta. Crystallus ergo dicitur peccator obstinatus et in malitia flante diabolo congelatus. Eccli. xliii, 22 : Friyidus ventus Aquilo flavit, et gelavit crystallus ab aqua. Sed hunc aliquando Dominus convertit, non tantum ut sit fidelis, sed ut sit doctor. Job, XXVIII, 2 : Lapis, supple, crystallinus, calore sancti Spiritus solutus, in aes convertitur, quod sonat. Et, XII, 22 : Producit in lucem, ut alios illuminet verbo, et doctrina, umbram mortis, obscurissimum peccatorem. Sic factum fuit in Paulo, I ad Timoth. I, 12 et 13 : Fidelem me existimavit, ponens in ministerio, qui prius blasphemus fui, et persecutor, et contumeliosus : sed misericordiam Dei consecutus sum, etc.

" Ante faciem frigoris. " Hic secundum, in quo subjungitur peccati eorum exaggeratio, ad ostendendam majorem gratiam.

Ait enim : Sic convertit nivem in lanam, nebulam in crystallum, quae non. modica frigiditate constricta sunt in malo : quia " quis sustinebit, " id est, sustinere poterit, " ante faciem, " id est, praesentiam, " frigoris ejus ? " peccati scilicet infrigidantis, quod dicitur Dei permissione immissum. Matth. XXIV,

12 : Refrigescet charitas multorum. Jerem, VI, 7 : Sicut frigidam fecit cisteim. aquam suam, sic frigidam fecit malitiam suam.

" Emittet verbum suum. " Hic secundum, in quo tangitur conversionis modus, et per quid fit, quia per duo. Per Filii Dei incarnationem, et Spiritus sancti insufflationem, ibi, " Flabit spiritus ejus. "

Ait enim : Sic convertuntur maxime precatores, sed quomodo ? Ecce: " Emittet verbum suum, " sicut paulo ante dictum est : " et liquefaciet ea, " talium scilicet peccatorum corda emittet de sinu suo, sed tamen non amittet, quia remanebit in sinu. Joan. I, 18 : Unigenitus qui est in sinu Patris, ipse enarravit, etc. I Joan. III, 8 : In hoc apparuit Filius Dei, ut dissolvat opera diaboli. Ad hoc verbum ignitum, imo igneum liquescit nix, et crystallus. Cantic, v, 6 : Anima mea liquefacta est, ut loculus est dilectus. Et impletur illud Eccli, III, 17 : Sicut in sereno glacies, solvuntur peccata tua.

" Flabit spiritus ejus. " Ecce secundum. Quasi diceret: Sic mitte: Filium, et liquefient: et etiam " flabit, " interius in hujusmodi corda, " spiritus ejus, " qui fiat ubi vult. Joan. iii, 8 : Spiritus ubi vult spirat. " Et fluent aquae, " cordibus congelatis resolutis. Hunc flatum quaerebat qui dicebat, Cantic. IV, 16 : Surge, Aquilo, ventus frigide, et perniciose, et veni, Auster. Et, Job, XXXIX, 26 : Numquid per sapientiam tuam plumescit accipiter expandens alas suas ad Austrum? Nec tantum fluent aquae lacrymarum interiores, seu etiam exteriores, sed doctrinarum, ut ipsi quoque fiant doctores. Joel, II, 28 : Effundam spiritum meum super omnem carnem, et prophetabunt filii vestri, et filiae vestrae. Et secundum hoc tanguntur tres causae conversionis Filii : Incarnatio, Spiritus sancti missio, et praedicatio.

" Qui annuntiat. " Hic tangitur quartum beneficium militanti Ecclesiae exhibitum, scilicet judiciorum Dei revelatio. Primo ergo ostenditur beneficium. Secundo, ostensum extollitur, ibi, v. 20 : " Non fecit taliter. "

In prima dicuntur duo. Primo, verborum annuntiatio. Secundo, expositio quorum, scilicet judiciorum, et justitiae, ibi, " Justitias. "

Ait ergo : Sic praemissa fecit beneficia, et etiam ipse est, " qui annuntiat verbum suum Jacob, "junior scilicet populus Christianorum. Isa. IX, 8 : Verbum misit Dominus in Jacob. Baruch, III, 37 : Hic adinvenit omnem viam disciplinae, et tradidit illam Jacob puero suo. Verbum etiam incarnatum annuntiavit per Angelos Jacob, scilicet laborantibus pastoribus et vigilantibus. Luc. II, 10 : Ecce evangelizo vobis gaudium magnum.a Justitias. " Hic secundum. Quasi diceret : Sic annuntiat verbum : quod est illud verbum ? Justitias suas, " quibus discernit et bonos et malos, " et judicia sua, " ex illis justitiis procedentia, " Israel, " populo fideli et Deum videnti. Intelligere enim eos facit illud Proverb, XVI, 11 : Pondus et statera judicia Domini sunt. Unde dicunt illud Apostoli, ad Roman. ii, 6 : Reddet unicuique secundum opera sua. Imo, facit etiam eos intelligere, quod affligit bonos etiam sine culpa, ut augeantur eorum merita. Je-

rem. xlix, 12 : Ecce quibus non erat judicium ut biberent calicem, bibentes bibent. Isa. XIX, 17 : Erit terra Juda aegypto m pavorem.

" Non fecit taliter. " Hic attollitur beneficium, quia alii ab illo sunt exclusi. Duo ergo dicuntur. Primo, quod alii sunt exclusi a beneficio. Secundo, specificatur a quo, ibi, " Et judicia sua. "

Ait ergo : Sic revelavit Jacob, et Israel haec beneficia, sed " non fecit taliter omni nationi, " sicut Jacob, et Israel, quos redemit. II Reg. vii, 23 : Quae est, ut populus tuus Israel, gens in terra, propter quam ivit Deus ut redimeret eam sibi in populum, etc, et redemptam instrueret. Deuter. IV, 8 : Quae est alia gens sic inclyta, ut habeat caeremonias, juslaque judicia, etc. ?

Unde specificando subdit :

" Et judicia sua, " quae facit in bonis et malis, " non manifestavit eis, " sicut populo huic sibi speciali. Deuter. XXVI, 18 : En Dominus Deus tuus elegit te, ut sis ei populus peculiaris. Et huic revelavit, Deuter. xii, 1 : Haec sunt praecepta atque judicia, quae facere debetis : ad hoc enim revelata sunt. Baruch, IV, 4 : Beati sumus, Israel, quoniam quae Deo placent, manifesta sunt nobis, ut illa facientes beatificemur in gloria, ipso praestante qui est benedictus per omnia saecula saeculorum. Amen.