Acta Ioannis Pauli Pp. II 1145

Episcopis verae fidei exemplar actus ipsius completae exsecutionis per-

ferendi. Hasce postremo Litteras Nostras sub plumbo expeditas prae-

cipimus edicimusque tam nunc ratas usquequaque esse quam posthac,

contrariis quibuslibet rebus neutiquam obstantibus.

Datum Romae apud S. Petrum die quinto mensis Maii anno Domini

millesimo nongentesimo octogesimo septimo Pontificatus Nostri nono.

© AUGUSTINUS Card. CASAROLI 8B BERNARDINUS Card. GANTIN a publicis Ecclesiae negotiis Congr. pro Episcopis Praef.

Angelus Lanzoni, Proton. Apost.

Rodomontes Galligani, Proton. Apost, s.n*

Loco £8 Plumbi

In Secret. Status tab., n. 196.876.

I I

KURUNEGALAENSIS

In Taprobane insula nova dioecesis Kurunegalaensis erigitur.

I O A N N E S P A U L U S E P I S C O P U S

SERVUS SERVORUM DEI

AD PERPETUAM REI MEMORIAM

Sancta Christi Ecclesia, ceu signum levatum super nationes, quod

omnes populi in suam ipsorum salutem respiciant, cotidie sane fines

profert, suaeque spei gentes participes facit. Quod enim Christus man-

davit Apostolis suis: « I t e praedicate Evangelium...» (Marc 16, 15),

ea semper fideliter tenuit, fovit, inque rem, quantum nempe maxime

potest, deducit, cum prorogatio Evangelii ad ipsius eius naturam et

essentiam pertineat. Quapropter, cum Venerabiles Fratres Nostri

S. R. E. Cardinales Congregationi pro Gentium Evangelizatione prae-

positi, iam ab hac Petri Sede petierint, ut nova in Insula Taprobane

conderetur dioecesis, bene fieri visum est si in eorum sententiam disce-

deremus. Quare, negotio bene considerato, eorumque audita sententia

quorum interesset, haec statuimus atque agenda iubemus. Territorium

vulgo (( Kurunegala District » a dioecesi Chilavensi distrahimus atque

in dioecesis formam redigimus Kurunegalaensis cognominandae ; quam

metropolitanae Sedi Columbensi in Taprobane suffraganeam facimus