Othlo, Monachus Emmeramensis, d. 1072.
249. (2. ) Hymnus de Natali Domini.
250. (3. ) Tersus super Evangelium
251. (4. ) In Resurrectione Domini.
252. (5. ) Item in Resurrectione Domini.
1. 0 salus mundi, sator universi, Sola spes vitae, decus o perenne, Debitas laudes tibi nos ferentes Suscipe clemens.
2. Qui volens totum reparare mundum, Gratiam miris dederis habenis, Ne iugo legis premeretur omnis Plasmatis aetas.
3. Haec agens gratis vice caritatis Res protoplasti miserans levasti Et premens tandem Leviathan anguem Nos revocasti.
4. Nam coaeternum tibi, summe, verbum Prolis humanae speciem probare Miseras orbi, sine labe naevi Virgine sumptam.
5. Iam novum lumen datur ad salutem, Natus est nobis novus auctor orbis, Splendor aeterni patris ac superni Iam caro factus.
6. Ille signatas reserans figuras Legis obscurae fideique purae Sensibus nostris aderit perennis Pro renovandis.
7. Nulla vis nobis remanet doloris, Filius summi vigor exstat omni, Qui fide pura vigilique cura Credit in ipsum.
8. Hinc melos hymni resonemus illi Supplici voto studioque toto, Ut coheredes sibimet fideles Inveniamur.
9. Laus patri summo sit honorque nato, Pneumati sancto decus atque doxa, Qui manens trinus Deus est et unus Semper ubique.