ACTA BENEDICTI PP. XVI

LITTERAE APOSTOLICAE

Venerabili Dei Servae Caelinae Chludzińska Borzęcka Beatorum honores

decernuntur.

BENEDICTUS PP. XVI

Ad perpetuam rei memoriam. - « Per crucem et mortem ad resurrectio-

nem et gloriam ».

Haec sunt verba quae Venerabilis Dei Serva Caelina Chludzińska Bor-

zęcka in cruce ponere voluit professionis perpetuae Congregationis Sororum a

Resurrectione Domini Nostri Iesu Christi, suam peculiarem ita significans

devotionem Paschalis Iesu Christi Mysterii atque viam ad sanctitatem de-

scribens. Coniuncta cum cruce passioneque Domini in qualibet circumstantia

suae vitae veluti uxor, mater, vidua et religiosa, salvificam Dei voluntatem

persecuta est et adimplevit atque ad evangelicum nuntium fidei spei amoris-

que, quod a gloriosa profluit resurrectione Iesu, diffundendum contulit.

Haec Serva Dei atque Mysterii Paschalis Apostola die XXIX mensis Octo-

bris anno MDCCCXXXIII in Antowil, tunc in terra Polonica, nunc Bielorussica,

ex Ignatio et Petronella Chludziński, agrorum possessoribus, est nata. In

ambitu crevit sanae catholicae et patriae traditionis. Eius vita spiritalis ma-

ture augeri coepit atque desiderio culminavit ut illa soror fieret. Voluntati

tamen oboediens parentum atque sui confessarii consilio ducta, viginti annos

An. et vol. C 3 Octobris 2008 N. 10

ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana