ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana

ACTA FRANCISCI PP.

LITTERAE DECRETALES

Quibus Beatae Mariae Elisabeth Hesselblad, religiosae, Sanctorum honores decernuntur.

FRANCISCUS EPISCOPUS

ServuS Servorum Dei

aD perpetuam rei memoriam

« Et alias oves habeo, quae non sunt ex hoc ovili, et illas oportet me

adducere, et vocem meam audient et fient unus grex, unus pastor » ( Io

10, 16).

Verba haec Domini beata Maria Elisabeth Hesselblad in plenitudine vixit,

quae iam inde a pueritia, aures praebens Evangelii verbis, quibus Iesus unum

gregem et unum pastorem asseclis significabat, atque in schola condiscipulos

videns ad diversas Christi fidei pertinere confessiones, unitatem Ecclesiae

exinde quaesivit. Quae mens instanter eam incitavit, ut annos adolescentiae

et iuventutis vero oecumenico commota spiritu degeret.

Die IV mensis Iunii anno MDCCCLXX in urbe vulgo Fåglavik in Suecia

e Lutherana familia nata est. Dum undevicesimum agebat annum, opus

quaerens in Americam migravit, ut multis familiaribus suis hoc modo esset

adiumento. Illic catholicos quosdam amicitia contigit et, ab anno praesertim

MCM, iter ad catholicam Ecclesiam inivit, ad cuius baptismalem fontem anno

MCMII regenerata est. Cum veteris redeuntis morbi causa, quod eam a par-

vula affecit, iam proxima morti in Domo Sanctae Birgittae de Suecia obitu

An. et vol. CIX 5 Maii 2017 N. 5