200 Acta Apostolicae Sedis - Commentarium Officiale

regrinati sunt et Beatissimae Virgini Mariae voverunt, si nasceretur, eandem

Mariam se vocaturos, tunc ipsa est nata. Decem dies post eius nativitatem

baptismatis et chrismatis sacramenta recepit, secundum consuetudinem Ec-

clesiae Graecae Melkitae. Parentibus mox orbata, ab avunculo accepta est,

qui anno MDCCCLIV Alexandriam in Aegypto petivit, eam secum ducens. Ad

huius temporis usum nulla accepit rudimenta scholastica, ac tantum serius

aliquantulum didicit artis scribendi ac legendi. Tredecim annos nata, se-

cundum orientales consuetudines sponsa cuidam iuveni destinata est, sed

ipsa nuptias recusavit comam sibi tondens ut haud acceptabilis fieret. Re-

cusatio iram avunculi excitavit, qui ei vitam vix tolerabilem reddidit, eam

fere ad servitutem reducens. Cum quidam e servis, Muslimus religione, ei

proposuisset fidem abiurare ad quam pertinebant necessarii eam vexantes,

ipsa acriter se filiam esse catholicae Ecclesiae confessa est. Ad quod calcem

accepit vehementem atque acinacis ictum in gulam. Exanime corpus eius

derelictum est noctu in quadam via obscura inter diem VII et VIII mensis

Septembris anno MDCCCLVIII. Experrefacta est se mortuam putans in quadam

crypta ubi, secundum narrationem eius, varias per hebdomadas ab arcana

aegrorum ministra in caerulea veste curata est. Postquam iterum bene se

habuit, quamquam vox eius semper rauca mansit, eadem aegrorum ministra,

quae adiuverat eam sanare quaeque ei praedixerat eventura in vita eius,

duxit eam demum ad ecclesiam S. Catharinae ut peccata confiteretur et

illic eam solam reliquit. Puella censuit ergo recedendum esse a regione ubi

avunculo occurrere potuerit, asylumque quaesivit apud quandam bonam

familiam, quia in Galilaeam revertere nequivit. Famula fuit apud varias

familias Alexandriae, Ierusalem et Beryti, diversas experiens vicissitudines.

Familia Attala, cui inserviit Beryti, eam secum ad Massiliam duxit, cum illuc

anno MDCCCLXIII transmigravit. Tamquam coqua a quadam domina Naggiar

accepta, directione spiritus fruebatur Rectoris ecclesiae ritus Graecorum

Melkitarum. Hoc tempore, post biennium quo saepius experientias mysticas

habuit, inter Sorores S. Ioseph ab Apparitione ingressa est, ubi tantum

duos per annos mansit. Die XV mensis Iunii anno MDCCCLXVII monasterium

carmelitanum Palense ingressa est, ubi novitiatum coepit tamquam chorista.

Postea, cum inutiles essent conatus eam docere officium divinum recitandi

artem, inter sorores conversas est adscripta. Pali manifestationes mysticas

habuit, earum haud conscia et erubescens interpretans eas veluti morbos,

inter quas exstases, levitationes, stigmata, apparitiones et possessiones de-