Acta Francisci Pp. 201

moniacas angelicasve, quibus monachae impotentes, commossae ac discretae

assistebant, valido fruentes auxilio prudentis Episcopi Baionensis Excellen-

tissimi Domini Francisci Lacroix. Anno MDCCCLXX una cum aliis sororibus

missa est in Indiam ad fundationem primi monasterii carmelitani in urbe

Mangalorensi, ubi etiam die XXI mensis Novembris anno MDCCCLXXI sollemnem

nuncupavit professionem, primam cuiusvis religiosae carmelitanae hac in

regione. Mense Novembri insequentis anni remissa est ad monasterium Pa-

lense, ubi tres per annos mansit, usque ad novam destinationem. Nam anno

MDCCCLXXV missa est cum aliis sororibus Bethleem, ut ibi fundarent primum

carmelitanum monasterium super collem Davidis exstructum, secundum pro-

positum ab ipsa beata Maria a Iesu Crucifixo delineatum. Humilis et sine

litteris, vitae sanctitate altaque cum Deo coniunctione refulsit. Antequam

novo in monasterio Bethleem triennium complevit, sicut ipsa praedixerat,

mortua est die XXVI mensis Augusti anno MDCCCLXXVIII, vitae suae XXXIII

agens annum, atque in monasterii coemeterio sepulta est. Cuncta eius vita

acta est una ex parte in abscondito et humilitate, altera autem ex parte

sub lumine singularis vitae mysticae. Variis in locis, ubi morabatur, sublimis

virtutis praestitit exemplum, eminentem relinquens famam sanctitatis non

tantum inter christianos, sed etiam muslimos.

Ad parandam beatificationem Ierusalem Processus Informativus annis

MCMXIX-MCMXXII celebratus est. Concluso Processu Apostolico annis MCMXXVII-

MCMXXIX, de virtutibus heroum in modum exercitis discussum est. Die XXVII

mensis Novembris anno MCMLXXXI Decessor Noster sanctus Ioannes Paulus II

sollemniter per Decretum sororis Mariae a Iesu Crucifixo virtutes heroicas

approbavit. Inde praebita est sanatio mira putata ipsiusque intercessio-

ni tributa, quae verum miraculum agnita est ab eodem Summo Pontifice.

Ipsemet die XIII mensis Novembris Anno Sancto Redemptionis MCMLXXXIII

eandem Romae beatam declaravit in Basilica Sancti Petri. Ad canonizatio-

nem consequendam Nos Ipsi facultatem fecimus Congregationi de Causis

Sanctorum ut Decretum de miraculo die VI mensis Decembris anno MMXIV

promulgaret, atque, faventibus Patribus Cardinalibus, in Consistorio die

VI mensis Februarii anno MMXV statuimus ut canonizationis ritus die XVII

insequentis mensis Maii Romae celebraretur.

Hodie igitur in foro Petriano inter sacra hanc pronuntiavimus formu-

lam: Ad honorem Sanctae et Individuae Trinitatis, ad exaltationem fidei

catholicae et vitae christianae incrementum, auctoritate Domini nostri Iesu