Acta Apostolicae Sedis - Commentarium Officiale4

III

SISCIENSIS

In Croatia nova conditur dioecesis Sisciensis.

BENEDICTUS EPISCOPUS

servus servorum dei

ad perpetuam rei memoriam

Antiquam fidem in Christum, verum Deum et hominem, populi illius

regionis semper vivam cernentes, quam Episcopi et christifı̀deles strenue

profitebantur, libenter accepimus postulatum Venerabilis Fratris Nostri Io-

sephi S.R.E. Cardinalis Bozanić, Archiepiscopi Zagrebiensis, qui ad melius

consulendum spirituali bono christifidelium sibi creditorum poposcit, ut ex

parte eius circumscriptionis nova conderetur dioecesis. Quamobrem Nos,

praehabito favorabili voto Venerabilis Fratris Marii Roberti Cassari, Archie-

piscopi titulo Truentini atque in Croatia Apostolici Nuntii, praehabita sen-

tentia Congregationis pro Episcopis, quae sequuntur decernimus.

De plenitudine Apostolicae Nostrae potestatis seiungimus ab archidioe-

cesi Zagrebiensi integrum territorium Vicariatuum foraneorum vulgo nuncu-

patorum: Sisak, Glina-Petrinja, Dubica-Kostajnica, Ivanić Grad, Kutina et

Pokupsko-Vukomerec; deinde paroecias: Pešćenica et Veleševec (ex decanatu

Velika Gorica-Odra), Vojnić (ex decanatu Duga Resa-Mrežnica), Vrtlinska

(ex decanatu Čazma) et Oborovo (ex decanatu Dugo Selo), atque ex ita

distracto territorio novam dioecesim constituimus Sisciensem appellandam,

eiusque sedem in urbe vulgo dieta Sisak statuimus ac templum paroeciale

ibidem Deo dicatum in honorem Exaltationis Sanctae Crucis ad gradum

dignitatemque ecclesiae Cathedralis evehimus. Novam hanc dioecesanam

communitatem suffraganeam constituimus Ecclesiae Metropolitanae Za-

grebiensi eiusque Episcopum pro tempore subdimus metropolitico iuri

Archiepiscopi illius Ecclesiae Metropolitanae. Cetera ad normas iuris canonici

expediantur.

Ad haec Nostra mandata exsequenda destinamus praefatum Venerabilem

Fratrem Marium Robertum Cassari, omnes necessarias et opportunas ei tri-

buentes facultates etiam subdelegandi ad effectum de quo agitur quemlibet

ministrum in ecclesiastica dignitate constitutum, onere iniuncto ad Congre-