CAPUT II.

Jerusalem ab irato Domino funditus eversa.

Aleph. i. Quomodo obtexit caligine in furore suo

Dominus filiam Sion: projecit d, e coelo in terram inclytam Israel, et non est recordatus scabelli pedum suorum

in die furoris sui !

Beth. 2. Praecipitavit Dominus, nec pepercit, omnia speciosa Jacob. Destruxit in furore suo munitiones virginis Juda, et dejecit in terram:

polluit regnum et principes ejus.

Ghimel. 3. Confregit in ira furoris sui

omne cornu Israel. Avertit retrorsum dexteram suam a facie inimici, et succendit in Jacob quasi ignem

flammae devorante in gyro.

Daleth. 4. Tetendit arcum suum quasi inimicus, firmavit dexteram suam quasi hostis, et occidit omne quod pulchrum erat visu

in tabernaculo filiae Sion: effudit quasi ignem indignationem suam.

He. 5. Factus est Dominus velut inimicus,

praecipitavit Israel: praecipitavit omnia moenita ejus, dissipavit munitiones ejus, et replevit in filia Juda

humiliatum et humiliatam.

Vau, 6. Et dissipavit quasi hortum tentorium suum: demolitus est tabernaculum suum.

Oblivioni tradidit Dominus in Sion festivitatem et sabbatum:

et in opprobrium, et in indignationem furoris sui regem et sacerdotem.

Zain. 7. Repulit Dominus altare suum, maledixit sanctificationi suae: tradidit in manu inimici muros turrium ejus. vocem dederunt in domo Domini sicut in die solemni.

Heth. 8. Cogitavit Dominus dissipare

murum filiae Sion: tetendit funiculum suum, et non avertit manum suam a perditione: luxitque antemurale,

et murus pariter dissipatus est.

Theth. 9. Defixae sunt in terra portae ejus, perdidit, et contrivit vectes ejus,

regem ejus et principes ejus in gentibus: non est lex, et prophetae ejus non invenerunt visionem a Domino.

IoD. 10. Sederunt in terra, conticuerunt senes filiae Sion: consperserunt cinere capita sua,

abjecerunt in terram capita sua virgines Jerusalem.

Caph. ii. Defecerunt prae lacrymis oculi mei, conturbata sunt viscera mea:

effusum est In terra jecur meum super contritione filiae populi mei,

cum deficeret parvulus et lactens In plateis oppidi.

Lamed. 12. Matribus suis dixerunt:

Ubi est triticum et vinum?

cum deficerent quasi vulnerati in plateis civitatis, cum exhalarent animas suas In sinu matrum suarum,

Mem. i3. Cui comparabo te? vel cui assimllabo te, filia Jerusalem? cui exaequabo te, et consolabor te,

vlrgo, filia Sion? magna est enim velut mare contritio tua:

quis medebitur tui?

Num. I4. Prophetae tui viderunt tibi falsa et stulta: nec aperiebant iniquitatem tuam,

ut te ad poenitentiam provocarent: viderunt autem tibi assumptiones falsas, et ejectiones.

Samech. i5. Plauserunt super te manibus

omnes transeuntes per viam:

sibilaverunt, et moverunt caput suum, super filiam Jerusalem:

Haeccine est urbs, dicentes, perfecti decoris, gaudium universae terrae?

Phe, I6. Aperuerunt super te os suum omnes inimici tui: sibilaverunt, et fremuerunt dentibus:

et dixerunt: Devorabimus: en ista est dies quam exspectabamus:

invenimus, vidimus,

AIN. I7. Fecit Dominus quae cogitavit : complevit sermonem suum, quem praeceperat a diebus antiquis:

destruxit, et non pepercit, et laetificavit super te inimicum, et exaltavit cornu hostium tuorum.

Sade. i8. Clamavit cor eorum ad Dominum super muros filiae Sion: Deduc quasi torrentem

lacrymas per diem et noctem :

non des requiem tibi, neque taceat pupilla oculi tui.

Coph. I9. Consurge, lauda in nocte

in principio vigiliarum: effunde sicut aquam cor tuum ante conspectum Domini: leva ad eum manus tuas

pro anima parvulorum tuorum, qui defecerunt in fame in capite omnium compitorum.

Res. 20. Vide, Domine, et considera

quem vindemiaveris ita. Ergone comedent mulieres fructum suum, parvulos ad mensuram palmae? Si occiditur in sanctuario Domini

sacerdos et Propheta?

Sin. 2I. Jacuerunt in terra foris virgines meae et juvenes mei

ceciderunt In gladio: Interfecisti in die furoris tui, percussisti, nec misertus es.

Thau. 22. Vocasti quasi ad diem solemnem, qui terrerent me de circuitu: et non fuit in die furoris Domini qui effugeret,

et relinqueretur: quos educavi et enutrivi,

Inimicus meus consumpsit eos.