Ad Primam.

Antiphona. Sancta Maria virgo. Psalmus.

Miserere mei Deus, miserere mei: quoniam in te confidit anima mea.

Et in umbra alarum tuarum sperabo: donec transeat

iniquitas.

Clamabo ad santissimum Patrem meum altissimum: Deum,

qui benefecit mihi.

Misit de coelo et liberavit me: dedit in opprobrium concultantes me.

Misit Deus manum suam et veritatem suam, animam meam eripuit de inimicis meis fortissimis et ab his, qui oderunt me: quoniam confortati sunt super me.

Laqueum paraverunt pedibus meis: et incurvaverunt animam meam.

Foderunt ante faciem meam foveam: et inciderunt in eam.

Paratum cor meum Deus, paratum cor meum: cantabo et psalmum dicam.

Exurge gloria mea, exurge psalterium et cithara: exurgam diluculo.

Confitebor tibi in populis, Domine: et psalmum dicam tibi in gentibus.

Quoniam magnificata est usque ad coelos misericordia tua: et usque ad nubes veritas tua.

Exaltare super coelos Deus: et super omnem terram gloria tua. Gloria Patri etc.

Antiphona. Sancta Maria virgo, non est tibi similis nata in mundo etc.

Gloria Patri etc.