Ad Vesperas.

Antiphona. Sancta Maria virgo. Psalmus.

Omnes gentes plaudite manibus: jubilate Deo in voce

exultationis.

Quoniam Dominus excelsus, terribilis: Rex magnus super omnem terram.

Quia sanctissimus Pater de coelo, Rex noster ante saecula: misit dilectum Filium suum de alto et operatus est salutem in medio terrae.

Laetentur coeli, et exultet terra, commoveatur mare et plenitudo ejus: gaudebunt campi et omnia, quae in eis sunt.

Cantate ei canticum novum: cantate Domino omnis terra.

Quoniam magnus Dominus et laudabilis nimis: terribilis est super omnes deos.

Afferte Domino patriae gentium, afferte Domino gloriam et honorem: afferte Domino gloriam nomini ejus.

Tollite corpora vestra et bajulate crucem ejus: et sequimini usque in finem sanctissima praecepta ejus.

Commoveatur a facie ejus universa terra: dicite in gentibus, quia Dominus regnavit.

Gloria Patri etc.