204 Acta Apostolicae Sedis - Commentarium Officiale

tio quo maior dignitatis filiorum Dei conscientia daretur. Assiduam dedit

operam ministerio reconciliationis, spiritali moderamini et praedicationi,

etiam extra paroeciam ac dioecesim. Laboriosa suscepit itinera Dei Ver-

bi diffundendi causa. Sacerdotali fraternitati favit, ut mutuum subsidium

praeberetur ad solidam doctrinae fidelitatem confirmandam coram ideolo-

gica illius temporis perturbatione. Plerumque suum ministerium obivit, cum

esset Episcopus Ieremias Bonomelli, qui appellavit Vincentium « doctum

iuvenem, operosum, dictionibus praecellentem » atque ob aestimationem

eum elegit parochum oppidi Vicobellignano, quo in loco apud populum

religionis neglegentia vigebat ac lata paupertas. Suam per sacerdotalem

experientiam atque assiduum confessarii ac spiritalis moderatoris officium,

necessitatem intellexit renovati operis pastoralis ut religiosis moralibusque

condicionibus gentium, rusticarum potissimum, subveniretur. Apostolatus

hic Oratorii Filiabus demandatur, ab eo institutis. Etenim inde ab anno

MDCCCLXXXV, parvas iuvenum communitates constituit intus consecratarum in

quibusdam Cremonensibus ac Laudensibus locis, quae Conditoris voluntate

populum adibant modico vestimento indutae, quod illius temporis mulieres

induebant. Novas consecratas cohortabatur ut parochis sociatam praestarent

operam eisque paroeciale templum concessit, locum quippe precationis cum

ac pro Dei populo. Earum in commune vivendi ratio sobrietate et pauper-

tate notabatur. Nova vitae consecratae experientia Beatae Mariae Virgini

Immaculatae est commissa ac sub patrocinio sancti Philippi Neri, qui in

Christum amore flagrabat. Die VII mensis Novembris anno MCMXVII Beatus

in oppido Vicobellignano pie de hoc mundo demigravit, post repentinam ac

degravatam valetudinem. Pauper tranquillusque, Dei voluntati obsequens, e

vita excessit. Postrema eius verba: « via patet: ire necesse est », quod nunc

est effatum Instituti ab eo conditi.

Anno MCMXLVII in Laudensi dioecesi Processus Informativus est celebra-

tus. Servatis rebus iure statutis, Decessor Noster beatus Paulus VI Romae

eius beatificationem die I mensis Novembris anno iubilari MCMLXXV celebravit.

Canonizationis causa sanatio, mira putata, exhibita est quam Medici Con-

sultores Congregationis de Causis Sanctorum ad scientiam inexplicabilem

iudicarunt quamque Consultores Theologi Beati incercessioni tribuerunt.

Patres Cardinales et Episcopi in Sessione Ordinaria die XIV mensis Aprilis

anno MMXV coadunati talem sanationem verum miraculum censuerunt atque

Nos Ipsi facultatem fecimus ut Congregatio de Causis Sanctorum eiusdem