DIVISIO TEXTUS.

His habitis,secundum assignatum subjectum divisionem libri prosequamur.

Dividitur autem in tres partes. Dispositio enim Angelorum potest tradi In hierarchia et ordine dupliciter, aut per communia, aut per propria. Et per propria, aut in se, aut in comparatione ad nos.

In prima ergo parte determinat de hierarchia per communia, usque ad caput VI, ibi, Quanti quidem et quales In secunda determinat propria eorum in se usque ad caput xv, ibi, Fer age quod restat. In tertia propria eorum comparatione ad. nos.

Prima in duas. In prima determinat communia hierarchiae quantum ad principia earum. In secunda quantum ad ea quae sunt de essentia hierarchiae, et incipit capite III, ibi, Est quidem hierarchia.

Prima in tres. In prima determinat principium a quo est emanatio donorum quibus perficitur hierarchia. In secunda tradit modum manifestationis ejus, et incipit in secundo capite, ibi, Oportet ergo, (ut aestimo).

Primum capitulum dividitur in duas partes. In prima proponit in quadam auctoritate principium emanationis dono rum spiritualium et omnium aliorum. In secunda probat propositum, ibi (n. 2),

Etenim neque ipse usquam.

Prima in tres. In prima proponit auctoritatem sumptam de Canonica Jacobi, I, 17. In secunda manifestat eam, ibi, Sed et omnis Patre moto. In tertia concludit recurrendum esse ad Christum in prosecutione hujus operis, ibi, Ergo Jesum invocantes.