DIVISIO ET EXPOSITIO TEXTUS.

A. Hoc ergo Theologi aperte declarant, etc.

Hic intendit probare per auctoritatem sacrae Scripturae duo quae praedixit, scilicet superiores ordines immediate accipere a Deo, et Immediate collocari circa ipsum. Et dividitur in partes duas. In prima probat primum. In secunda secundum, ibi (g 13) Ipsa ergo est quantum ad nostram, etc.

Prima autem dividitur in tres. In prima proponit quod intendit probare. In secunda probat, ibi (sig. 11,B) Quasdam enim,

judicium salutaris. Miror autem, primas etiam caelestium essentiarum, tantumque caeteris praestantes, non secus ac medias, divinarum quoque illustrationum desiderio timide affici ; neque enim illae per se quaerunt, Cur rubra sunt vestimenta tua ? sed prius secum haesitant attonitae, declarantes quidem se discendi avidas divinae operationis appetere cognitionem, verum hanc, ante divinam indultae sibi illustrationis processionem, minime prae- venire.

etc. In tertia concludit propositum, ibi (sig. 12), Non ergo, etc.

Littera sic legatur : Diximus, quod primae essentiae immediate ab ipso perfectionis principe sunt sanctificatae : ergo Theologi, id est, divina docentes, aperte declarant hoc in Scripturis, scilicet perpositas, id est, inferiores dispositiones, id est, ordines essentiarum caelestium, id. est, Angelorum quidem, id est, certe erudiri scientias, id est, illuminari in eis deificas, quia divinos per reductionem facientes, ornate, id est, in quantum per eas ornatum specialem consequuntur, a super firmatis, id est, ab illis quae super eas firmiter dispositae sunt. Vero, id est, sed declarant dispositiones altiores, id est, primas illuminari doctrina, id est, doctrina omnium ab ipsa divinitate immediate, quantum fas, id est, possibile est eis.

B. Quasdam enim, etc.

Hic probat propositum. Et circa hoc tria iacit. Primo probat per auctoritatem, quod inferiores illuminantur a primis quod primo dixit. Secundo quod primae immediate a Deo, ibi, Quasdam vero. Tertio ponit quoddam mirabile quod videtur repugnare praedictis, et ejus rationem ponit, ibi, Miror autem.

Littera sic legatur : Hoc quod nunc diximus, per Scripturam Theologi sic declarant : Enim, id est, quia introducunt in Scripturis quasdam illarum, scilicet caelestium essentiarum esse eruditas sacre, Id est, accipiendo sacrum lumen a prioribus, Id est, a superioribus essentiis receptum humanitus in caelos, Id est, Christum qui secundum naturam humanam a scendit in caelos. Naturae enim humanae est, quod descendit, carnem assumendo, et quod ascendit, carnem sursum ferendo qui secundum divinitatis naturam semper est apud Patrem. Hunc dico esse Dominum caelestium virtutum, Id est, Angelorum, et regem datorem gloriae. Introducuntur enim in Psalmo : quidam quaerentes : Quis est iste rex gloriae ? Et alii respondentes : Dominus virtutum ipse est rex glori ae. Vero, Id est, sed Introducunt quasdam earum quae sunt superiores essentiae quaerentesapud ipsum Jesum, non tamquam per medium erudiri volentes, et introducunt eas discentes, id est, discere volentes ab ipso scientiam suae divinae actionis, id est, redemptionis q uam divina virtute pro nostra salute complevit : et cum sit passio, dicitur actio : et quia volens passus est : et quia per hoc mortem et diabolum vicit. Et introducunt ipsum Jesum immediate docentem eas, scilicet caelestes essentias. Etenim, id est, quia ipse Jesus praelargiens, id est, antequam ab ipso quaeratur, dans eis scientiam manifestantem suum humanam benignitatem, id est, beneficium quod in humana natura complevit, inquit eis : Ego disputo justitiam, id est, doceo justitiam fidei, certando cum adversariis veritatis, et disputo judicium salutaris, quod est judicium pro mundo ut salvetur contra diabolum, sicut dicit Joan.XII, 31: Nunc judicium est mundi, etc. Haec autem auctoritas secundum septuaginta est Isaiae, lxiii, 1, ubi nos habemus : Ego qui loquor justitiam, etc. Autem, id est, sed miror, id est, mirandum est, quia et, id est, etiam primae essentiarum caelestium, idest, primae inter eas, et tantum, sicut dictum est, supereminentes, id est, excedentes omnes alias simul acceptas in divinis illuminationibus a uas immediate a Deo accipiunt, appetunt quaestiones, id est, movent appetentes solutionem, reverenter, propter reverentiam ejus a quo addi scere volunt, ut mediatae, id est, per modum mediae non immediate illuminantur, sed per primas. In Graeco enim habetur AdminBookmark quod est medie vo-

lantes, scilicet in divinam contemplationem. Primo enim quaerunt ab aliis : Quis est iste qui venit de Edom , non immediate a Christo.Etenim, idest, quia non inde, id est, a principio interrogant quare vestimenta tui, id est, tua sunt rubra? quamvis postea quaesiverunt, audaciam sumentes ex responsione : vero, i d est, sed deliberant, id est, ad modum deliberantium se habent ante interrogare apud seipsas, id est, ab invicem quam quaerant a Christo : quidem, id est, certe ostendentes per hoc quod ab invicem quaerunt coram Magistro, quia discunt, id est, discere volunt, et quia appetunt scientiam deificam, id est, ab ipso Deo. Autem, id est, sed non sunt

praesilientes, id est, praeinfluentes aliis ante Christum solvendae illuminationem quaestionis quaesitae inditam primo de eis,per divinam processionem, id est, immediate a Christo. Quod ergo primo ab invicem quaerunt, reverentiae est : quod vero responsionem Christi exspectant, ostendunt se immediate ab ipso illuminari.

12