DUBIUM,

1. Sed videtur falsum dicere : talem enim dispositionem angelicae hierarchiae nusquam in sacra Scriptura reperimus : ergo non tradit exponendo solum ea quae a Theologis dicta sunt.

2. Praeterea, Proprio motu videtur dicere quis quod nullus ante eum sed nullus ante eum talem ordinationem docuit : ergo hoc videtur proprio motu dicere.

Solutio. Dicendum, quod ea quae hic scripsit de angelica ordinatione, edoctus est ab Apostolo Paulo : et haec sunt illa arcana quae vidit raptus ad tertium caelum, quae non lieet homini, id est, humane viventi loqui . Unde et ipse in cap. II dixit, custodienda haec fore a multitudine quasi uniformia : seorsum autem discipulos docuit, inter quos Dionysius fuit. Vel etiam edoctus fuit a Hierotheo, quem suum magistrum dicit in libro de Divinis nominibus, qui didicit divina patiendo divina : et ideo certius scivit. Sed quia non consuevit vocare Theologos nisi scriptores Scripturae quae est in canone, ideo potest aliter dici, quod in sacra Scriptura implicite continentur omnia quae hic explicite traduntur, dum describuntur per figuras ex quibus ordines eorum et proprietates licet

aceipere : et ideo expositurum se dicit sacram Scripturam, " cujus veritas, se-" c undum Anselmum, est quidquid se-

" cundum fidem ex ea elicitur, imo " quidquid sibi non contradicit. " Et per hoc patet solutio ad objecta.

4