Ad Sextam.

Antiphona. Sancta Maria virgo.

Psalmus. Voce mea ad Dominum clamavi: voce mea ad Dominum

deprecatus sum.

Effundo in conspectu ejus orationem meam: et tribulationem ineam ante ipsum pronuntio.

In deficiendo ex me spiritum meum: et tu cognovisti

semitas meas.

In via hac, qua ambulabam: absconderunt superbi laqueum mihi.

Considerabam ad dexteram et viedebam: et non erat,

qui cognosceret me.

Periit fuga a me: et non est, qui requirat animam meam.

Quoniam propter te sustinui opprobrium: operuit confusio faciem meam.

Extraneus factus sum fratribus meis: et peregrinus filiis

matris meae.

Pater sancte, zelus domus tuae comedit mc: et opprobria exprobrantium tibi ceciderunt super me.

Et adversum me laetati sunt et convenerunt: et congregata sunt super me flagella, et ignoravi.

Multiplicati sunt super capillos capitis mei: qui oderunt me gratis.

Confortati sunt, qui persecuti sunt me inimici mei injuste: quae non rapui, tunc exolvebam.

Surgentes testes iniqui: quae ignorabam, interogabant me.

Retribuebant mihi mala pro bonis et detrahebant mihi: quoniam sequebar bonitatem.

Tu es sanctissimus Pater meus: Rex meus et Deus meus.

Intende in adjutorium meum: Domine Deus salutis meae. Gloria Patri etc.

Antiphona. Sancta Maria virgo, non est tibi similis nata in mundo etc.

Gloria Patri etc.