Ad Sextam.

Antiphona. Sancta Maria virgo.

Psalmus.

Exaudiat te Dominus in die tribulationis: protegat te nomen Dei Jacob.

Mittat tibi auxilium de sancto: et de Sion tueatur te.

Tribuat tibi secundum cor tuum: et omne consilium tuum confirmet.

Laetentur in salutari tuo: et in nomine Domini Dei nostri magnificabuntur.

Impleat Dominus omnes petitiones tuas: nunc cognovi, quoniam misit Dominus Jesum Christum filium suum et judicabit populos in justitia.

Et factus est Dominus refugium pauperis, adjutor in opportunitatibus, in tribulatione: et sperent in te, qui noverunt nomen tuum.

Benedictus Dominus Deus meus: quia factus est susceptor meus et refugium meum in die tribulationis meae.

Adjutor meus tibi psallam: quia Deus meus misericordia mea. Gloria Patri etc.

Antiphona. Sancta Maria virgo, non est tibi similis nata in mundo etc.

Gloria Patri etc.