Ad Tertiam.

Antiphona. Sancta Maria virgo.

Psalmus.

Jubilate Deo omnis terra, psalmum dicite nomini ejus: date gloriam laudi ejus.

Dicite Deo, quam terribilia sunt opera tua, Domine: in multitudine virtutis tuae mentientur tibi inimici tui.

Omnis terra adoret te et psallat tibi: psalmum dicat nomini tuo.

Venite et audite, et narrabo, omnes, qui timetis Deum: quanta fecit animae meae.

Ad ipsum ore meo clamavi: et exaltavi sub lingua mea.

Et exaudivit de templo sancto suo vocem meam: et clamor meus in conspectu ejus.

Benedicite gentes Dominum nostrum: et auditam facite vocem laudi ejus.

Et benedicentur in ipso omnes tribus terrae: omnes gentes magnificabunt eum.

Et benedictum nomen majestatis ejus in aeternum: et replebitur majestate ejus omnis terra; fiat, fiat.