9. De sancta Barbara.

In 1. Vesperis.

Antiphonae.

1. Adest dies eximia,

Novae laudis materia.

Plaudat mater ecclesia

Et celebret cum gloria

Sanctae Barbarae gaudia,

2. Felix dies

Felix solemnium,

Quo pugnanti

Paratur bravium,

Lassae quies

Et pugnae praemium

Pro victoria.

3. Omnes ergo gratulemur,

Christi sponsam et precemur,

Ipsa nostri quod sit memor

In sponsi praesentia.

4. Insistentes tuae laudi,

O Barbara, nos exaudi,

Multum quidem sumus rei,

Nos defende, sponsa Dei,

Per tua suffragia.

5. Ut a culpis expiati

Resignemur deitati

Et divinae majestati

Resonemus alleluja.

Ad Magnificat.

A. Ave, martyr o Barbara,

Ave, virgo Deo cara,

Ave, splendens poli gemma,

Quae cum morte speciosa

Et cruoris tui rosa

Lactaris inter coelicos,

Tuo nos patrocinio

Illorum junge gaudio,

Quorum gaudes consortio.

Ad Matutinum.

Invitatorium.

Eja, venite, Deo

jubilandum carmine vero

Virginis in festo

jam Barbarae celebrando.

In 1. Nocturno.

Antiphonae.

1. Generosae Christi sponsae

Barbarae solemnia

Digna cum devotione

Celebret ecclesia.

2. Quae gentili patre nata

Summi patris gratia

Abundanter est ornata

Statim ab infantia.

3. Pulchra fuit exterius

Decore faciei,

Sed pulchrior interius

Ex amore Dei.

Responsoria.

1. Beata virgo Barbara

clara fuit genere,

Sed mentis erat honestate

clarior et opere,

Pie Christo nam servire

studebat sumopere.

V. ''In lege Domini fuit voluntas

ejus die ac nocte.''

2. In aetate tenera

Mundi despexit florem

Et concupivit aspera

Christi ob amorem,

Quod potuit nulla

nisi sacro pneumate fulta.

V. ''Fundamenta suarum virtutum

posuit supra firmam petram.''

3. Propter elegantiam

speciei mirae

Cupiere plurimi

illius subire

Amplexus, hinc patrem

coepere convenire,

Sed his virgo Domini

sprevit consentire.

V. ''Longe a peccatoribus salus,

quia justificationes Dei non

exquisierunt.''

In 2. Nocturno.

Antiphonae.

1. Cujus pater propter sui

speciem egregiam

Impendebat illi tantam

curae diligentiam,

Ut aegre sufferet, illam

si videret quispiam.

2. Quapropter turrim arduam

ille fabricavit,

Qua peracta suam prolem

in ea locavit,

Atque ab hominibus

illam sequestravit.

3. Ubi sola recubans

Deum exoravit

Atque corpus tenvi

victu maceravit,

Sicque carnem macerando

spiritum roboravit.

Responsoria.

1. Una dierum de turri

haec in natatorium

Descendebat, ut videret

novum aedificium

Et artificibus jussit

tres fenestras struere,

Ubi duas jussu patris

debuerant facere.

V. ''Ad laudem divinas majestatis

et figuram individuae trini-

tatis.

''2. Haec famula Jesu Christi

multa mira gessit,

Signum crucis et marmori

digito impressit,

Quod nunc et in perpetuum

omnibus patescit.

V. ''Mirabilis Dcus in sanctis suis

et gloriosus in omnibus ope-

ribus suis.

''3. Inclita martyr, ave,

spes nostra decusque suave,

Nobis esse bona

digneris ubique patrona,

Ut tibi jungamur

et coeli sede fruamur.

V. ''Tribulationes nostrac mid-

tiplicatae sunt, de necessi-

tatibus erue nos.''

In 3, Nocturno.

Antiphonae.

1. Ut novit Dioscorus,

quod esset Christiana

Sua nata, monet hanc

idola quod vana

Coleret, quae coluit

dignitas Romana.

2. Sed hoc quia respuit,

multis est afflicta,

Sed virtute Domini

permansit invicta,

Quousque manu patria

fuit ense icta.

3. Quae coelis tripudias

cum triumphi palma,

Pro nobis ora jugiter

Christum, martyr alma.

Responsoria.

1. Sancta virgo, Domini

solamine adjuta,

Cultores idolatriae

sic est allocuta:

Dii vestri sunt idola,

manufacta, muta,

Quae nullo incendio

possunt esse tuta.

V. ''Similes illis fiant, qui faci-

unt ea et omnes, qui confi-

dunt in eis.''

2. Dilectae sibi Barbarae

carceris angustia

Maceratae et discerptae

nervis nocte media

Apparuit Jesus Christus

claritate nimia,

Dicens illi: constans esto

et laetare, filia,

Ego sum, pro quo tam dura

sustines supplicia.

V. ''In admiratione adspectus illius

attonita, coeleste percepit ora-

culum.''

3. Hodie virgo Barbara

de sinu ecclesiae

Migravit ad coelestia

cum palma victoriae,

Cui, animam dum reddidit,

gaudium coeli intulit.

In istius transitu

sanctorum exsultat chorus

Supernorumque civium

congratulatur exercitus,

Ipsa nobis ejus sponso

petat dona veniae,

Ut cum ea visione

perfruamur gloriae.

V. ''Immortali vere coronatur glo-

ria, quac manens in corpore

spiritus bcatigratia redundavit.''

In Laudibus.

Antiphonae.

1. Pangamus celebres

solemni carmine laudes

Barbarae festo

Christi testis venerando.

2. Munditia cordis

omni sine labeque sordis

Servivit Christo,

dam corpore vixit in isto.

3. Ut Deus inveniat

semper sibi nos vigilantes,

Barbara sancta, tua

prece te serva venerantes.

4. Dulcis amica Dei,

signis ornata trophaei,

Hunc, per quem vicit

mundum,Dominumbenedicit.

5. Laudet de caelis Dominum

plebs quaeque fidelis,

Laudat sidereis

quem Barbara juncta choreis.

Ad Benedictus.

A. O Barbara, virgo pia,

Protectrix precantium,

Quae jam gaudes in gloria

Supernorum civium,

Servis tais in hac via

Tuum da subsidium.

In 2. Vesperis.

Ad Magnificat.

A. Hodie virgo Barbara

de sinu ecclesiae

Migravit ad coelestia

cum palma victoriae,

Ipsa nobis ejus sponso

petat dona veniae,

Ut cum ea visione

perfruamur gloriae.

10. De sancta Barbara.

In 1. Vesperis.

Antiphonae.

1. Gaude, mater ecclesia

Festum colendo Barbarae,

Nam tota coeli curia

De tali gaudet compare.

2. Haec satrapae Dioscori

Nata pagani divitis

Fidem insertam pectori

Factis ostendit inclitis.

3. Virgo carens maculis

Pollebat serenis

Columbarum oculis

Turturisque genis.

4. Hujus par est lilii

Facies decora,

Vox in aure Domini

Dulcis et sonora.

5. Ardens ejus dilectio

Non est aquis exstincta

Nec obruta de fluvio,

Licet his esset tincta.

Ad Magnificat.

A. O pulchra praecipuum

Rosa dans odorem,

Florens in perpetuum

Ante creatorem,

Concupivit speciem

Tuam rex coelorum,

Perduc nos ad requiem,

Barbara, sanctorum.

Ad Matutinum.

Invitatorium.

Jubilemus summo Deo,

Qui bona dat omnia,

Qui donavit cum trophaeo

Barbarae coelestia.

In 1. Nocturno.

Antiphonae.

1. Forma pulchra splenduit

Quasi lux diei,

Falsos deos respuit

Cultrix veri Dei.

2. Formae decus superat

Morum disciplina,

Quibus se confoederat

Gratia divina.

3. Ut baptista pascitur

Melle cum locustis,

Coelum, quod vim patitur,

Rapit factis justis.

Responsoria.

1. Virgo fide

pollens et gratia,

Praepotentis

pagani filia,

Rosa, spinae

germen purpureum,

Durum spinae

sentit aculeum ;

V. Virgo caesa

paterno gladio

Rosam juugit

pudoris lilio.

2. Celsa pater

in turri filiam

Formae claudit

ob elegantiam,

Cujus ornat

decorem castitas,

Consummat caritas.

V. Haec est sole

virtute pulchrior,

Quovis flore

vultu venustior.

3. Pater offert

Barbarae nuptias

Juxta mundi

fastum eximias,

Obstat sponsa

coelestis Domini,

Ne nubat homini.

V. Subarrhata

Christo per aunulum

Spernit omni

cum pompa sacculum.

In 2. Nocturno.

Antiphonap.

1. Patris in aedificio

Natae fiunt imperio

Tres fenestrae, non geminae

Sub trinitatis nomine.

2. Binis fenestris tertiam

Ad trinitatis gloriam

Addit, quae fons est luminis

Et lumen omnis hominis.

3. Cum digito signaculum

Crucis impressit marmori,

Quod pulchrum dat specta-

culum

Adhuc fideli pectori.

Responsoria.

1. Fenestrarum

trium mysterium

Patri pandens

offendit impium,

Spatam ferens

illam insequitur,

Supra montem

orans incipitur,

V. Pastor fugae

dum dat indicium,

In locustas

grex datur ovium.

2. Datur a patre praesidi

Crucianda Christicola,

Sed quidquid agant perfidi,

Flecti nequit ad idola.

V. Caedunt sanctam,

abscindunt ubera,

Flammis urunt

lampadum latera.

3. Christus, lux vera, visere

Cum luce lucis filiam

Cacsam et clausam carcere

Venit consolans anxian;

V. Tecum ero,

inquit, te faciam

De tyranno

consequi victoriam.

In 3. Nocturno.

Antiphonae.

1. Virgo candens

pudore niveo,

Caesa nervis,

percussa malleo

Decoratur

cruore roseo.

2. Gaudet torta

Barbara nimium,

Leve ducens

omne supplicium,

Ut perenne

mercetur praemium.

3. Patris passa

Barbara frameam,

Triumphalem

accepit lauream

Mansionem

intrans sideream.

Responsoria.

1. Saevus praeses

hanc cirumducere

Sanctam jubet

et virgis caedere,

Nudam vestit

per coeli nuntium,

Qui vestit Vilium ;

V. Sponsus amictus lumine

Vestit hanc almo tegmine.

2. Torta dire

redditur impio

Patri virgo,

caeditur gladio,

Caesae mors fit

natalis gloriae,

Vitae dies,

ortus laetitiae;

V. Caesa volat

ad coelos Barbara,

Caedens ustus

ruit ad tartara.

3. Honor Deo

Pro trophaeo

Dato Barbarae,

Per quem adjuta

Est consecuta

Coeli chorum

Et summum bonum,

Signis splendens

Et virtutum jubare.

V. Coeli laeta

Mensa freta

Debriatur

Divino nectare.

In Laudibus.

Antiphonae.

1. Summi regis clementiam

Vox una laudat omnium,

Qui Barbarae victoriam

Dedit et caesae praemium

2. Votis invincibilis

Amoris adstricta,

Nullis est in fragili

Sexu poenis victa.

3. Suos Deo moriens

Memores commendat,

Ut eos inspiciens

Gratiam impendat.

4. Vox de coelo nuntiat,

Ipsam exauditam,

Invitans, ut veniat

Ad beatam vitam.

5. Coeli potitur gaudiis

Peracto trophaeo,

Signis coruscat variis

Beata cum Deo.

Ad Benedictus.

A. O decoris viola,

Paradisi planta,

Te duplex aureola,

Virgo martyr, sancta

Barbara, cum aurea

Coronat insigni,

Fac, ut coeli laurea

Nos reddamur digni.

In 2. Vesperis.

Ad Magnificat.

A. Ave, virgo mitis, clara

Signis et virtutibus,

Bonis Dei Deo cara

Perfruens perennibus,

Agnum sequens novum cantas.

Barbara, jam canticum,

Nos per preces perduc sanctas

Ad conventum coelium.