9. In Vigilia Natalis Domini.
Ad Laudes.

1. Egredere, Emanuel,
Quem nuntiavit Gabriel,
Uti sponsus de thalamo
Virginis matris utero

2. Spiritus sancti opere
Sine virili semine,
Ad tuum natalitium
Delens Evae flagitium.

3. Sicque lege deposita
Tua simus sub gratia,
Qui aperis diu clausum
Bonis intrandi aditum.

4. Laus sit patri et filio,
Spiritui paraclito,
Unitati sit gloria
Per infinita saecula.

10. In Nativitate DN.

"Troplio in Nocte ad sanctam Mariam".

1. A solis ortu cardine quadrato
Coeli per gyrum, sidera, rotate,
Redemptor quia venit cum salute
Hodie natus.

2. Bonus praedixit Esaias vates:
Ecce, in vulva virgo generabit,
Nomen ejusdem quod interpretatur
Nobiscum Deus.

3. Coelo dimissus Gabriel salutem
In Gallilaeam virgini detulit,
Gaudio mundi nuntiare venit
Terris venturum.

4. Dudum jam virgo desponsata erat
Proco famoso annulo pudoris,
Joseph, qui nunquam copula jugali
Corpore gessit.

5. Ec casto degens corpore puella,
Quam sic ingressas angelus compellat:
Ave, Maria, gratia plena,
Dominus tecum.

6. Festinus post baec angelus adjunxit:
Beata eris inter mulieres
Et benedictus fructus ventris tui,
Quae credidisti.

7. Gaudens in verbo sed turbata virgo,
Cogitans, cur sit ita salutata,
Quomodo possunt fieri, quae dicis,
Angele Dei?

8. Hinc adsecutus Gabriel affatus:
Inclitam prolem utero gestabis,
Numinis altus fiUus vocatur
In sempiternum.

9. Inquiens virgo angelum perquirens:
Quomodo possunt fieri, quae dicis,
Unde hoc sciam? virum non cognovi,
Angele Dei.
10. Karus repente nuntius respondit:
Spiritus sanctus super te descendet
Idcirco, sanctum quod erit, vocatur
Filius Dei.
11. Libens tunc virgo angelo consensit:
Ecce, ancilla Domini sum ego,
Gontingat mihi juxta verbum tuum,
Sicut dixisti.
12. Mox Caesar dedit Augustus decretum
Mundus ut totus tomum scriberetur,
Fecit Cirinus scriptionem primus,
Syriae rector.

13. Nam ibant omnes, ut profiterentur
Quisquis de sua nempe civitate,
Joseph praegnante cum Maria pergens
Bethlehem ad urbem.

14. Opus mirandum atque salutare,
Latior alvus cardine aethrali
Deum, quem coeli capere non valent,
Clausum portavit.

15. Postquam sunt dies virginis impletae,
Partus puellae hominem Deumque
Edidit, parvo jacuit praesepi
Pannis velatus.

16. Quem cum pareret, hac in regione
Vigiles noctu gregem cnstodirent,
Illos extemplo cinxit lux de coelo
Fulgida nimis.

17. Rursus eosdem tremor apprehendit,
Angelus dixit: ponite timorem,
Gaudium vobis nuntio perenne
Terris venisse.

18. Saecula vire fecit qui cum patre,
Natus est Christus hodie de matre,
Bethlehem in urbe in praesepi jacet,
Hoc vobis sigQum.

19. Tunc copiosa angelo adsistens
Desuper missa legio coelestis,
Deo in altis gloriam canentes
Voce sonora.

20. Vociferabant strenue dicentes:
Gloria patri Deo in excelsis
Et hominibus bonae voluntatis
Pax super terram.

21. Xristo jam nato milia sanctorum
Coelum adibant statim angelorum,
Pastores cursim Bethlehem venerunt
Corde gaviso.

22. Ymnum solvamus patri filioque,

Semper qui regnat par cum genitore
Servique formam sumere dignatus
Causa salutis.

23. Zero creator solio de sacro
Petiit ima nos ad liberandum,
Quos hostis dudum rapuit iniquus
Ore cruento.