128. De Omnibus Sanctis.

Ad Processionem.

R Humili prece et sincera devotione

Ad te clamantes semper exaudi nos.

1. Summus et omnipotens genitor, qui cuncta creasti,
Aeternus Christus, filius atque Deus,
Nec non sanctificans dominator spiritus almus,
Unica majestas trinaque sola Dei.

2. Ipsa Dei genitrix reparatrix et inclita mundi,
Quae Dominum casto corpore concipiens
Perpetua semper radius cum virginitate,
Indignos famulos, virgo Maria tuos.

3. Angelici proceres, coelorum exercitus omnis,
Aeterno semper lumine conspicuus,
Agmine ter trino radians per sidera regem
Laudibus aeternum concelebret Dominum.

4. Petrus cum Paulo, Thomas cum Bartholomaeo
Et jacob sanctis nos relevent precibus,
Andreas, Mattheus, Barnabas atque Johannes,
Matthias, Lucas, Marcus et altisonus,

5. Coetus apostolicus, duodeno sidere comptus,
Cunctos propitius protege nos famulos,
Et quos multiplices lacerant per crimina pestes,
Peccata absolve, fac bona cuncta sequi.

6. Nunc Stephanus, Linus, Clemens, Anacletus et almus,
Sixtus, Alexander Corneliusque pius,
Hippolytus, Virus, Laurentius atque Modestus
Chrysogonusque pius nos miserando juvent.

7, Senesi, martyr Domini, miles quoque fortis,
Tuque, Theoponti, regis amice pii,
Nos precibus vestris defendite, namque potestis,
Credimus experti munera tanta Dei.

8. O decus immensum, nostri lex, gloria, census,
Pax, columen, requies, semita recta, duces,
Ferte, Graeci, curam, patriam prece redditc tutam,
Ne pupus incautis vincula nectat eis.

9. Vos tempestates, vos noxia quaeque fugate,
Non nestus laedant, non pluviae noceant,
Morbos atque famem subitamque repellite mortem,
Quidquid et huic vestro posset obesse loco.

10. O vos martyrii decorati nomine Christi,
Conspicui veste purpurea proceres,
Qua bello invicti superastis daemonis iras,
Confortate manus, vincere morte minas.

1 1. O venerande pater, Silvester, pastor amande,
Mens calet obsequiis invigilare tuis,
Ecclesiam quondam per te quia novimus auctam
Et synagoga suum perdidit auxilium.

12. Cum Judaea suos tibi perfert stulta magistros,
Lege sua cecidit et veniam petiit.
A te sub nodis perstricta fauce draconis
Plebs moribunda suae dona salutis habet.

13. Nunc igitur nostri constrictis faucibus hostis
Eripe nos mortis casibus et laqueis
Et nos assiduas tibi dantes cordibus odas
Causa tui meriti sistas in arce poli.

14. Adriane, Dei miles fortissime summi,
Nobis nunc famulis auxiliare tuis,
Nil sic perspicuum poterit vox clara referre,
Ut decet in tali nunc patris obsequio.

15. Hic tibi perpetuis resonant concentibus aedes,
Ossibus et sacris semper habetur honor,
Cum laeti famuli celebrant hic festa benigni
Laudibus instantes nocte dieque tuis.

16. Dirige corda pius et tempora dirige nostra
Atque dies laetos ducere da famulos,
Ut semper valeant tibimet cantare quieti,
Te quoque coelesti cernere duce poli.

17. Urbanus, Damasus, Gregorius Ambrosiusque,
Hilarius, Zeno, Maximus atque Leo,
Martinus, Proculus, Caesarius Eusebiusque
Orent pro nostris criminibus variis.

18. Ordo confessorum sacratus praecipuorum
Auxilio tutos undique redde tuos
Atque tua nosmet prece dimittendo reatus
Nos fragiles mundi cladibus omnigenis.

19. Paulus et Antonius, Macarius Arseniusque,
Pachomius, Beda, Attala, Paphnutius,
Bertulphus, Libertinus, Basilius atque
Hieronymus doctor nos miserando juvent.

20. Summe Dei cultor, monachorum rector et abbas,
O Benedicte sacer atque benigne pater,
Istud coenobium coetumque tibi famulantem
Nostraque sanctificans cuncta tuere simul.

21. Maurus et Othmarus, Simeon, Gallusque Columba
Et simplex Paulus Hilarionque simul,
Solentur precibus, vitare queamus ut hostis
Praestigium cauti versutiamque lupi.

22. O dilecte Dei radians virtute corusca,

Sancte Anselme pater, junge preces pariter,
Intercede pius veniam poscendo misellis
Aureque jam blanda carmina percipiens.

23. Felicitas felix, Eulalia digna, Verena,
Petronillaque cum perpete Perpetua,
Agnes atque Agathes, Christina, Euprepia, Thecla,
Eafemia, Regula, Eugenia atque bona.

24. Helena cum Paula, Scholastica cum Juliana,
Candida cum Fusca Febroniaque pia,
Margarita simul, Donatilla, Caecilia, Flora,
Dent veniam nostris saepe rogando probris.

25. Virginitate chorus resplendens, candidularum
Turba puellarum, integritate nitens,
Quae geminis gaudens pulchrum decorata coronis,
Laude pudicitiae martyriique simul.

26. Omnes nunc sancti, nostris succurrite lapsis
Et veniam cunctis ferte juvando malis,
Nam vestris precibus petitis quaecunque rogantes,
Annuit ipse pius nilque regat Dominus.

27. Pacem perpetuam rogitamus perfice, Christe,
Et sanae vitae gaudia longa diu,
Temperiem coeli tribuens, ut copia frugum
Omnibus abundet ubere laetitia.

28. Agne Dei patris, mundi qui crimina tollis,
Optatae pacis munera dona tuis.

AdminBookmark