CONCORDIEN. 15

At parochus, urgentibus etiam lictoribus, domum paro- chialem et beneficii administrationem relinquere coactus est, et hanc Fiscus capessere non destitit, spiritualem autem curam animarum gessit Matthaeus Bressan, huic muneri sub- stitutus a Vicario Capitulari. Res cum ita se haberent, no- vus Episcopus decreto diei 12 Aprilis 1894 quosdam dele- gavit iudices ad processum conficiendum et die 16 Febr. 1895 haec prodiit sententia a iudice delegato.

I. Redintegrandum esse Parochum de Vigonovo D. Va- lentinum Maniago in exercitio sui ministerii, immunem ab interdicto, in eundem illato, modo provisorio a S. C. C. die 8 Aprilis 1893. II. Redintegrandum esse praefatum Pa- rochum in suis iuribus canonico civilibus super administra- tionem et reditus Beneficii paroecialis ; in quem finem epi- scopalis Curia oneratur eumdem coadiuvare. III. Quoniam istis in adiunctis D. Valentinus Maniago resumere nequiret per se officium Parochi e Vigonovo, absque sui et animarum discrimine, de consensu Ordinarii consulet curae et spirituali administrationi Paroeciae, donec, aut valeat illuc redire, aut altero investiri beneficio ecclesiastico.

Deinde de expensis reficiendis aliam parochus Maniago movit quaestionem, sed infausto exitu. Controversa vero sen- tentia, publicata die I a Martii 1895, quoad meritum, habuit oppositores oppidanos qui die 7 Martii eiusdem anni appel- lationis instantiam apud Curiam proposuerunt.

Quamobrem partium procuratores haec dubia contestati sunt, videlicet : I. An appellatio vel recursus admitti debeat in casu. Et quatenus affirmative : II . An sit confirmanda vel infirmanda sententia Curiae episcopalis concordien. in casu.

Disceptatio Synoptica

DEFENSIO PAROCHI . Parochi advocatus contendens appel- lationem admittendam non esse, notat ad hanc requiri : 1) ut provocatio intra decem dies fiat a die latae sententiae et scientiae numerandos ; 2) ut provocatio appellatone in-