AJSDRIEN. 13

massam choralem nunquam fuisse minorem summa libella- rum trium millium, quare abunde pro decem canonicis sup- pe teba t biscentum sex libellae destinandae in distributiones. Imo ex libellis biscentum sex, a decem canonicis persolutis causa distributionum, summa conflatur libellarum duarum millium et sexaginta (2060); unde reliquae erant ex integra summa trium millium libellarum, pene mille libellae (940), quae eisdem distribuerentur viri tim ratione praebendae.

At quod verum haud erat initio, hodie longius abhorret a veritate, urget patronus. Nam reditus adeo augent in dies, ut anno superiore, fere septem libellarum millibus Capitu- lum sit petitum. - Nunc itaque quatuor millia libellarum ducenta in choralem massam invefcuntur, nempe tres quintae partes; ex quibus, si detrahatis biscentum sex, decem ca- nonicis pro distributionibus adiudicatas, non modo mille, ut antea, libellarum, sed duo millia centum quadraginta vel minus paulo superare patet. Quae profecto haud in omnes dividuntur: sed in omnes, quinque canonicis actoribus ex- clusis.

Nec satis: mox enim canonicis, ante bona direpta pro- motis, tributum, quod hactenus effugerant, ut dictitant, a fìsco indicetur. Inde fiet, ut extenuatis eorum pensionibus, pars in distributiones eroganda ad libellas centum nonaginta redigatur. Tunc haud amplius libellas biscentum sex, sed centum nonaginta, decem canonicis ad praescripta decr. diei 8 Maii 1880 pro distributionibus impertiri opus erit; quum decem canonici in distributiones tantumdem impen- dere debeant, quantum in easdem conferunt canonici pensio- nem a gubernio recipientes. Tunc duo millia libellarum et ter centum supererant in singulos dividenda, ratione praebendae, exceptis tamen canonicis modo querelam moventibus.

Quoad acceptationem vero factam a canonicis actoribus in actu concursus, omnium conditionum Episcopi decreto statutarum, notat procurator, nihil faciendam esse, quippe vel errore, vel metu extortam, vel aliunde nullam, ob nul- litatem nempe decreti episcopalis.