EXPOSITIO TEXTUS.

Littera sic legatur. Diximus, quod ex divina revelatione restituimur in suum simplum radium. Etenim, id est, quia, neque ipse radius, id est, divina idea exerens se in ideata usquam, id est, in ulla creatura, umquam, id est, in ullo tempore, deseritur propria singulari unitate, id est, per excellentiam sibi soli convenientem, manente simplici unitate in idea, proportionis vero unitate in idealis, quae est propria unitas radii : et multiplicatur quantum ad eductionem ideatorum, et provenit respectu egressionis a principio, optime, id est, ordine ad finem, et pulchre per assimilationem ad ideam. Multiplicatur dico ad contemperantiam, id est, ordinem rerum ad unum finem constituendum, eorum quae provisa sunt, id est, rerum omnium quae divina cura providentur et reguntur. Contemperantiam dico anagogicam, quia per eam res referuntur in primum principium ut in ultimum finem, et linificam, quia in ea uniuntur res proportionis unitate : et manet fixus uniformiter, id est, incommutabiliter. Fixus dico in incommutabili similitudine : quia incommutabiliter unitur in assimilando ideam, munite intra se, id est, munitus : quia rerum multitudo ejus unitatem non propellit: et ipse radius extendit et unificat proportionaliter eis, id est, in superna tendere facit, dans unitatem secundum eorum capacitatem. Unificat dico res in se, id est, in radium, scilicet in quos provenit, quantum fas est, id est, possibile, respicientes, t.UnifIcat dico secundum simplicem sui unitatem, quam servat : alioquin unificare non posset .

3