13. In Revelatione s. Benigni.

In 1. Vesperis.
Super Psalmos.

A. Gaude, gaude,

fidelis concio,
Adest tibi

gaudendi ratio,
Nam Benignus

martyr cum gaudio
Pleno coeli

potitur praemio,
Sed tu magis

laetare, Divio,
Tanti sancti

clarus martyrio.
R. Dum divinum semen serit,

Ab iniquis capitur,
Caput vecte lictor ferit,

Sanguis sancti funditur,
Sic injuste justus perit,

Dum pro fide moritur ;

V. Nunc membrorum ejus massa

In decenti quadam cassa

Digne valde ponitur.

Ad Magnificat.

A. Transit martyr

ad regni solium,
Jam fons prius

crevit in fluvium,
Nunc coeleste

gustat convivium
Christi servus

intrans in gaudium.

Ad Matutinum.
Invitatorium.

Adsunt mirifici

Benigni gaudia,
Laude multiplici

Plaudat ecclesia.

In 1. Nocturno.

Antiphouac.

1. Praeco magnus de Graecia
Missus est in Burgundiani,
Dare nobis coelestia
Regna per poenitentiam.

2. Fervens desiderio
Dignus habebatur
Fungi sacerdotio,
Quod exsequebatur.

3. Documentis nititur
Erudire bonis
Gentes, dum ingreditur
Castrum Divionis.

4. Sub Polycarpi regula
Mente profecit sedula,
Tandem fidem catholicam
Docet et apostolicam,

5. Agonizat

pro Christi nomine
Martyr plenus

divino lumine,
Nullo fractus

prorsus discrimine.

6. Sanctus pro Christo dimicans
Confisus est in Domino,
Praeceptum Dei praedicans
Ore quasi tubicino.

Responsoria.

1. Mundum vocans

ad agni prandium
Hora coenae

Deus, rex omnium,
Servum mittit

dans ei socium
Sanctum Andochium;
V. Ad hoc officium

Benignus mittitur,
Istud negocium

Laetus exsequitur.

2. Calcans mundum

sub suis pedibus
Sanctus fidem

declarat gentibus,
Cujus virtus

apparet omnibus
Christi fidelibus ;
V. Vita bona,

mors, signa varia
Hujus sancti

demonstrant praemia.
3. Dispensator providus,

Inclitus bellator,
Circuit ut callidus

Nocturnus circator,
Idolorum rigidus

Semper impugnator,
Castitatis fervidus

Custos et amator ;
V. Verbo, vita docuit,
Signis multis claruit

Doctus speculator,
4. Verbum vitae

dum palam loquitur,
Surgunt hostes,

martyr conquiritur,
Statim vinctus

ad ducem ducitur,
Nec sic subvertitur ;
V. Inter canes

martyr includitur,
Sed ab illis

nequaquam laeditur.

In 2. Nocturno.
Antiphonae.
1. Quando missus fuit

sanctus cum canibus,
Cibat illum Christus
e coelo panibus.
2. Migrans coeli coetibus
Sanctus aggregatur,
In terris hominibus
Jam patrocinatur.
3. Postquam vitae stadium
Pugil consummavit,

Intrat coeli gaudium
Victor, quod optavit.
4. De bello victis hostibus
Miles probus regreditur,
Benignus spretis omnibus
Coelum dives ingreditur.
5. Benignitate praeditus,
Benignus plenissime,
Tandem dignus est habitus
Locari dignissime.
6. Jam martyr in gloria
Regnans cam beatis
Multa beneficia
Praestat sanitatis.

Responsoria.

1. Sanctitate

plenus et gratia
Dei servus

objurgat vitia,
Poenas suffert

et vituperia,
Nulla tamen

fractus injuria.
V. Subularum

fortes aculei
Hunc non mutant

a statu fidei.
2. Praeses nefandus ferculum

Sanctum cogit comedere
Creditque Dei servulum

Tali modo pervertere;
V. Cibo signo

crucis opposito
Cibus ille

vanescit subito.
3. Imperator

ut leo rugiens
Sanctum poenis

pulsat multotiens,
Sed Benignus

cuncta despiciens
Non mutatur

sicut insipiens ;
V. Homo sanctus

in sapientia

Manet sicut
solis substantia.

4. Bina perfossus lancea,

Vecte percussus ferreo
Ex hac Benignus area

Coeli locatur horreo,
Stola gaudens purpurea

Sanctorum fulget cuneo.
V. Sicut botrus

martyr comprimitur,
Sic in coelum

justus deducitur.

In 3. Nocturno.

Ad Cantica.

A. Superans potentiam

Martyr tormentorum
Cumulum et gloriam
Monstrat praemiorum.

Responsoria.

1. Sicut granum

sinapis minimum
Martyr poenis

attritus plurimum
Nunc odorem

diffundit optimum
Et suavissimum ;
V. In regionis terminis
Patet vis hujus seminis.

2. Expedito

de gravi fabrica
Carnis turba

plaudit angelica ;
Martyr Dei,

Christo nunc supplica,
Ut nos ducat
ad regna coelica;
V. O Benigne,

per preces sedulas
Peccatorum

deterge maculas.
3. Sanctum suum mirificat
Christus novo miraculo,

Lucerna fulgens emicat

Diu latens sub modulo,
Quae virtutem magnificat

Salvatoris in populo ;
V. O Christi benignitas.

Collaudanda quotidie,
Per quem Benigni bonitas

Demonstratur ecclesiae.

4. O quam digne quam laudari

Sanctus iste promeruit,
Dum pro fide cruciari

Et morti tradi voluit,
Quadam luce singulari

Nunc terris lumen influit ;
V. Tu qui signis claruisti

In curandis corporibus,
Nos a morte serves tristi

Et a cunctis doloribus.

Ad Laudes.
Antiphonae.

1. Adest dies laetitiae

Christi cunctis fidelibus,
Quo Benigni reliquiae

Transferuntur cum laudibus.
2. Gemma sub terra latuit

Despecto jacens loculo,
Cujus virtus apparuit

Evidenter in populo.
3. Fulget in coeli gloria

Martyr cum beatis,

Multa beneficia

Praestat sanitatis.
4. Corpus sacrum, quod pluribus

Annis fuit sub nubilo,
Episcoporum manibus

Nunc transfertur cum jubilo.

5. Lingua, manu pariter
Martyr praedicavit,
Modo multipliciter
Signis coruscavit.

Ad Benedictus.

A. Carnis gleba

latens divinitus
Collocatur

modo decentius,
Hujus solis

refulgens radiis
Lumen suum

diffundit latius.

In 2. Vesperis.
Ad Magnificat.

A. O martyr egregie,

Norma probitatis,
Rosa patientiae,

Ebur castitatis,
Roga regem gloriae,

Ut nos a peccatis
Absolutos hodie

Jungat cum beatis.