Ad matutinum.

Antiphona, Sancta Maria virgo.

Psalmus.

Confitebor tibi, Domine sanctissime Pater, rex coeli et terrae: quoniam consolatus es me.

Tu es Deus Salvator meus: fiducialiter agam et non

timebo.

Fortitudo mea et laus mea Dominus: et factus est mihi

in salutem.

Dextera tua, Domine, magnificata est in fortitudine, dextera tua, Domine, percussit inimicum: et in multitudine gloriae deposuisti adversarios meos.

Videant pauperes et laetentur: quaerite Deum, et vivet

anima vestra.

Laudent illum coeli et terra: mare et omnia reptilia in

eis.

Quoniam Deus salvam faciet Sion: et aedificabuntur civitates Judae.

Et inhabitabunt ibi: et haereditate acquirent eam.

Et semen servorum ejus possidebit eam: et qui diligunt nomen ejus, habitabunt in ea.

Gloria Patri etc.

Antiphona. Sancta Maria virgo, non est tibi similis nata

in mundo etc.

Gloria Patri etc.