Acta Benedicti Pp. XVI 699

desidero quod tu desideras! ». Operatione aliisque curis incassum adhibitis,

malum inexorabile celeriter procedebat. Clara, haud ignara huius suae con-

dicionis, mentem convertit ad Virginem Mariam per hoc breve scriptum:

«Mater Caelestis... a Te flagito miraculum sanationis; si hoc non respondet

Eius voluntati, postulo a Te necessariam fortitudinem ne umquam deficiam ».

Dolores eam non retinebant. In labiis eius minime fuit lamentatio. Vultus

eius gaudio splendebat et oculi erant semper fulgidi, quamquam eius valetu-

do magis magisque languebat: capillos amisit et crura. Mori non timuit. Tam

exspectatus Sponsus venit ut duceret eam albescente die VII mensis Octobris

anno MCMXC, post acerbam noctem. Matri, quae assidebat ei, omni ope

demulcens frontem eius, ita susurravit: «Mater, felix esto, sicut et ego. Vale! »

et in veram Vitam evolavit.

Ob vastam eius famam sanctitatis die XI mensis Iunii anno MCMXCIX in

dioecesi Aquensi incohata est Inquisitio dioecesana, quae sequenti anno con-

clusa est die XXI mensis Augusti. Probata eius iuridica validitate die XXII

mensis Iunii anno MMI, Congressus peculiaris Consultorum Theologorum die

XVI mensis Novembris anno MMVII de virtutibus Servae Dei heroico more

exercitis prosperum dedit votum, quod confirmaverunt etiam Patres Cardi-

nales et Episcopi, in Sessione Ordinaria coadunati die XV mensis Martii anno

MMVIII. Deinde Nos Ipsi praecepimus Congregationi de Causis Sanctorum ut

Decretum promulgaret declarans Servam Dei virtutes theologales, cardinales

iisque adnexas heroico in gradu exercuisse. Rite peractis omnibus iure prae-

scriptis, Congregationi de Causis Sanctorum per praescriptum examen exhi-

bita est rapida, totalis ac perdurans sanatio Andreae Bartole, qui sepsi me-

ningococcica fulminanti et complicata afficiebatur. Quod mirum scientifice

inexplicabile iudicatum est a medicis die XV mensis Ianuarii anno MMIX. In

Congressu Peculiari Consultorum Theologorum die XX mensis Maii anno MMIX

et in Sessione Ordinaria Cardinalium et Episcoporum die XV subsequentis

mensis Septembris mira sanatio, divinitus patrata, tributa est intercessioni

Venerabilis Servae Dei. Quapropter Congregationi de Causis Sanctorum fa-

cultatem fecimus ut Decretum super miro ederet die XIX mensis Decembris

anno MMIX. Tandem illam Servam Dei beatae titulo honestandam Nos decre-

vimus atque statuimus ut ritus beatificationis in sanctuario Deiparae Divini

Amoris Romae perageretur die XXV mensis Septembris anno MMX.

Hodie igitur in sanctuario Deiparae Divini Amoris de mandato Nostro

Venerabilis Frater Angelus Amato, S.D.B., Archiepiscopus titulo Silensis,

Praefectus Congregationis de Causis Sanctorum, textum Litterarum Aposto-