Congregatio de Causis Sanctorum 729

munus praepositi exercuit. Magister etiam fuit rei asceticae et mysticae in

Seminario urbis atque fautor societatis Marianae et festivitatum incorona-

tionis Nostrae Dominae de Gleva.

Anno 1928 Servus Dei Episcopus ordinatus est titulo Selymbrianus et

Apostolicus nominatus Administrator Ebusae, in Insulis Balearibus. Hic

ministerium sedulo exercuit curam potissimum adhibens de Seminario et

vocationibus sacerdotalibus, semper ad sacerdotes iuvandos paratus. Sollici-

tus exstitit etiam de catechistis formandis et sodalibus Actionis Catholicae.

Praeterea novas sacras aedes aperiendas curavit atque primam catholicam

scholam.

Anno 1935 in dioecesim Illerdensem est translatus. Etiam hic actuose est

operatus ad fidem sacerdotum omniumque fidelium firmandam, potissimum

tempore crudelis in religionem vexationis, quae totam implicabat Hispaniam,

ac belli civilis, quod saepe gratuitae et immanis violentiae attingebat

gradum. His in adiunctis Servus Dei propius usque suo adstabat gregi, omni

dempto proposito dioecesim relinquendi.

Die 19 mensis Iulii anno 1936 sic dicti «milites rubri » tota in Catalonia

crudeli ultione irruerunt in omnes qui se catholicos profitebantur, praesertim

erga sacerdotes et religiosos. Hac in condicione etiam Servus Dei est impli-

catus qui, ut suorum sociorum vitam servaret, palatium episcopale Illerdense

reliquens, absconderet se debuit. Sequenti die 22 mensis Iulii, post Missam

celebratam, vestimentis saecularibus indutis, habitationes adiit quorundam

parentum ostiarii Sedis Episcopalis; attamen advertens se propria praesentia

grave periculum illi familiae inferre posse, decrevit, vespertino tempore diei

23 mensis Iulii, duobus custodibus civilibus se tradere ut in custodiam Iller-

densem adduceretur. Dum vinculis tenebatur serenitatem usque servavit et

mansuetudinem, semper versans in actu orationis et pietatis atque cum

sedulitate et humilitate pastorale exercens ministerium pro spiritali bono

sociorum carceris.

Die 5 mensis Augusti episcopus Salvius sua ex cella est sublatus ut in

Barcinonem transferretur. Attamen reapse, simul cum aliis custodiae sociis,

in coemeterium municipale Illerdense est adductus ut ferociter occideretur.

Servus Dei, cum suam intellegeret sortem, humiliter quaesivit ut postremus

occideretur; etenim de confirmandis cogitabat et benedicendis aliis damnatis

qui cum illo adstabant. Custodes ferociter in eum ob odium fidei adorti sunt,

conclusa crudeli exsecutione, corpus eius in foveam communem proiecerunt

in ipso coemeterio perfossam.