Acta Apostolicae Sedis - Commentarium Officiale700

licarum legit, quibus Nos Venerabilem Servam Dei Claram Badano in

Beatorum numerum adscribimus:

Nos, vota Fratris Nostri Petri Georgii Micchiardi, Episcopi Aquensis,

necnon plurimorum aliorum Fratrum in Episcopatu multorumque christifi-

delium explentes, de Congregationis de Causis Sanctorum consulto, auctori-

tate Nostra Apostolica facultatem facimus ut Venerabilis Serva Dei Clara

Badano, iuvenis laica, quae, plena fiducia in Dei amore posita eiusque vo-

luntatem in unione cum Christo semper agere parata, brevem vitam suam

unitati cum fratribus quaerendae dicavit, Beatae nomine in posterum appel-

letur, eiusque festum die undetricesima Octobris in locis et modis iure statutis

quotannis celebrari possit. In nomine Patris et Filii et Spiritus Sancti.

Confidimus profecto hanc iuvenem christianam virginem optimo exemplo

fore plurimis hominibus nostrae aetatis, praesertim puellis ac aegrotantibus,

ut magna cum fiducia animique serenitate Dominum Iesum quaerant eiusque

salutarem voluntatem.

Quod autem decrevimus, volumus et nunc et in posterum tempus vim

habere, contrariis rebus quibuslibet non obsistentibus.

Datum Romae, apud Sanctum Petrum, sub anulo Piscatoris, die XXV

mensis Septembris, anno MMX, Pontificatus Nostri sexto.

De mandato Summi Pontificis

Tharsicius card. Bertone

Secretarius Status

Loco e Plumbi

In Secret. Status tab., n. 134.976