19. In Transfiguratione DN.
Ad Laudes.

1. Splendor paternae gloriae,
De luce lucem proferens,
Ostendit suis hodie,
Quam felix sit est reverens.

2, Refulsit sol in clipeos,
Mundo claros et aureos,
Et montes carne terreos,
Sed divina mente flammeos.

3. Christus est sol justitiae
Transfiguratus coelitus,
Mira detectus facie
Apostolis divinitus.

4. IIi sunt et Christi clippei,
Defensores ecclesiae
Ac primates idonei
Christianae militiae.

5. Nondum Christum cognoverant
Esse Deum veraciter,
Quem humane tranaverant
Conversantem humiliter.

6. Tunc clare Dei filium
Paterno testimonio
Sciunt et mirabilium
Adjecto sacrificio.

7. Regratiantur mortui
De completo mysterio,
Quod praedixerunt cernui
De Christi beneficio.

8. Stupent nimis apostoli
Ac procidunt conterriti
Et quasi facti dyscoli
Loquuntur ut insoliti.

9. Hos revocat ad latriam
Consolator propitius
Et ingerit laetitiam,
Dum provocat sublimius.

10. Honor, virtus et gloria
Transfigurato Domino,
Qui nos in sua gratia
Gonservet sine termino.