20 CONCORDIEN.

Dein patronus contendit iudicialem formam in remotione minime servandam esse : quum « non officit in remotione de- fectus formalis processus, cum de poena irroganda non aga- tur, sed de simplici remedio afferendo scandalis et inimici- tiarum periculis ». D. Secretarius in Bergomen, diei 12 Au- gusti 1865.

Neque, urget advocatus, obiicere potest parochus, ut aliud aequale ei concedatur beneficium. Nam in facto est , quod ubi primum Valentinus suspensione et irregularitate, beni- gnitate S. C. C. solutus est, illum in oppido Predipozzo Oe- conomum Episcopus nominavit. Hoc hodie ille fungitur of- ficio : sed rogatus an Parochus eligi cuperet, abnuit. Quum S. C. C. die 20 Aprilis 1896 visum est Valentinum paro- chiali officio imparem esse, « Episcopus curet meliori, quo fieri potest modo, rem componere conferendo praefato Pa- rocho Maniago beneficium sine cura animarum », Concordien- sis Episcopus, mansionariale Valentino beneficium in Ecclesia Cathedrali pollicitus est , sed hoc etiam acceptare renuit.

Ex dictis quum advocatus arbitretur satis superque com- probasse, Curiae sententiam rescindendam, studium convertit ut clientem suum purget a nota zeli immodici et praecipuis; et ait, sane iudicem delegatum in exaranda sententia omni studio culpas exténuasse parochi ; at cappellani quoque cul- pae vertisse inimicitias, discordias, scandala in paroecia enata, ex parochi tantum facinore ; quum haec omnia habita sint etiam in paroeciis Valvasone et Riparotta, antea a Valen- tino possessis, quamvis Bressan ibi non adesset.

Demum ex studio partium dictatam fuisse sententiam ad- vertit orator, scatere ex eiusdem tenore quum absurda vel incompossibilia decernat, nimirum parochum redintegrandum esse in exercitio sui ministerii... sed quoniam adiuncto haud sinerent illum personaliter agere parochum absque sui ani- marumque discrimine, hinc ex conventione cum Ordinario consulendum esset spirituali paroeciae administrationi donec eius reditus fiat possibilis aut altero investiatur beneficio.

Hisce praeiactis, proposita fuerunt diluenda