BALTH. CORDERII , S. J. INTERPRETATIO.

Quod apte res divinae atque caelestes dissimilibus etiam signis explicentur.

SYNOPSIS CAPITIS

I. Facit operis hujus distributionem.

II. Monet, figuras illas, quibus res caelestes ac spiritales describuntur, rebus ipsis esse dissimiles : et simul objectioni occurrit, ac rationem reddit, cur magis expediebat res istas caelestes rerum ignobiliorum formis delineari, quam nobiliorum.

III. Ostendit duplicem esse sacrae descriptionia modum, unum scilicet, per similes; alterum, per dissimiles figuras : uti etiam de Deo quaedam per affirmationes, et quaedam per negationes praedicari : et negationes ait affirmationibus praestare, et absonas similitudines ad mentem nostram erigendam esse aptiores.

IV. Tradit, ex rebus omnibus aliquid boni colligi posse, et simul explicat, quomodo passio-

nes irae, concupiscentiae, et res similes intelligendae sint, quando Angelis attribuuntur. V. Ostendit quomodo etiam ipsemet Deus in Scripturis aliquando a summis, aliquando a mediis, aliquando etiam a rebus infimis denominetur.