BAIONEN. 21

Mox, Mussiaco repente recedens, Tolosam ivit: nec amplius ad uxorem reversus est. Maria, cum ad virum advolasset, et ab eo repelleretur, inauditam eius inhumanitatem per epistolam conquesta est. In hac etiam epistola Maria ma- trimonii inconsummationem confirmavit. « (Moissac ce 3 Juillet). Le lendemain matin je vous ai proposé de faire ce qui aurait dû avoir lieu entre nous depuis longtemps (et que, vous le savez très bien, je ne vous ai jamais refusé même la première nuit, je le jure devant Dieu) Vous avez refusé avec une certaine brusquerie de ton qui m'a douloureusement frappée ».

Haec iuxta patronum satis superque demonstrant matri- monium consummatum non fuisse; quod si quaeratur causa, cur sponsi non coiverint, in hoc orator totam culpam in virum confert, quippe qui temporaria aut perpetua infirmi- tate ad coeundum impediretur.

Hoc revera probat, tum quia vir coniugalem copulam in dies differre praetendebat, tum ex eiusdem singulari con- tumacia, tum ex depositione duorum spectabilium testium, qui de viri potentia satis dubitant.

Dispensandi autem causas quod attinet, non unam sed plures atque graves adesse, ait orator. Primam deducit ex animorum dissociatione, quae talis est, ut nulla reconcilia- tio sperari potest. Alteram invenit in probabili dubio nul- litatis matrimonii ob viri impotentiam ; quo adstante dubio, ut ait De Luca « dispensatio videtur potius quaedam admi- nistratio iustitiae ita prudentialiter sub alio titulo magis honesto more principis administratae » (Theat. ver. et tust, de mat. I. XIV, disc. 9, § 8). Tandem alteram causam esse dicit, sanctioris status electionem, cui favet Ecclesia, qua- que coniugibus qui nunquam coiverint, hanc optionem be- nigne concedit : « Post consensum legitimum de praesenti licitum est alteri ex coniugibus, altero etiam repugnante, eligere monasterium, dummodo carnalis commixtio non in- tervenerit inter eos » (Alexander III in cap. II de conv. coniug.l. III, t. 32 decr.).