19. In Nativitate Domini.

1. Alleluia,

2. Caelica resonant

clare camoenas agmina

3. Nunc regis celebran-
do gratulanter nuptias.

4. Lux nova iam terras
illustrat
veteres pellens tenebras;

5. Reserat superna
gratia
diu clausa palatia.

6. Felix mater
et sola intacta
aeterna puerpera,

7. Iam nato stas
gravida, cum viri
sis cubili nescia.

8. Omnis caterva nostra
te rogat, domina,
''Solvas quo nostra cuncta
peccaminum vincula,
virgo sempiterne beata ;''

9. Digna fuisti sola
tollentem crimina
''Intra uteri claustra
portare, qui gubernat
omnia: supera, infera.''

10. Hunc sua laudant
facta gaudentes bona,
qua vivunt, super essentia.

11. Nos humillima
tuba damus debita
poscentes eius clementiam,

12. Ut nostra praestans tempora
nunc quieta
det placida frui vita,
utilia
donando famulis munera,

13. Ac inter nos discrimina
saeva solvens
post funera derelicta
sedem ducat
mortis ac malorum ignaram.

14. Ubi ad dextram patris almam
sedet conregnans,
coaeternus per omnia,

15. Potenter cuncta disponendo
cum eo saecla,
praesentia et futura.

16. Beata

iustis donans omni-
bus proemia

17. Praeclara,

qua lux vera micat,

18. Quae est salus aeterna
et nostra gloria.