200. De beato Notkero Balbulo.

Sequentia Francisci Gaisberg, abbatis Sangallensis.

1. Sancti spiritus
assit nobis gratia,

2. Quae sanctos semper suos
facit esse conspicuos.

3. E quibus hic divinus
exstat Notkerus Balbulus,

4. Doctor praeclarus,
stirpe regia natus.

5. De sacro pago

genitus est hic sacer.

6. In divi

coenobio Galli
primo flore pollebat,

7. Quem abbas

Grimaldus suscepit,
suum monachum fecit,

8. Ysoni magistro
commendans
libros divinos
docendum.

9. Qui doctus in brevi
taliter,
ut sequentias
faceret,

10. Quas singulas
papa Nicolaus
canonizavit

11. Et mandavit

per mundi climata
esse canendas.

12. Hic sanctus aggressus est
diabolum in crypta
Columbam, patris nostri,

13. Cambotam eiusdemque
in eo fregit teste
aedituo, qui notavit.

14. Rex caeli, terrae,

succurre nobis per virtutes
Notkerique praedilecti,

15. Ut superare

valeamus inimicum in
nostrae mortis tempore.

16. Crus sacerdotis

demonstrat illum, qualis
fuerit:

17. Oratione

beati Notkeri tunc
sanatur.

18. Hic volonem

vagum, contritum

eiulat

et pro eo supplicat,

19. Qui ablatus

extra per fratres

spiritum

in ipso die liquit ;

20. Pro quo sanctus
Notkerus spondet
per totam suam
vitam complere horas,

21. Quibus volo
septima die
liberatum se
Notkero pandit almo

22. Ductus a rege
et filio suo
Sicque clamavit:
O me felicissimum,
tecum qui sic nunc ducor!"

23. Post multimoda
salubria verba
Valedicentes
commendabant se incli-
to Notkero patrono:

24. Pro nobis

ora Deum, dilecte.