22. De sancto Ferreolo.

In 1. Vesperis.

Antiphonae.

1. Fidelium turma, gaude

Cum Vieima, plena laude,

In honore digna coli

Gloriosi Ferreoli.

2. Imbutus vero dogmate,

Sacro lotus baptismate,

Sub habitu militari

Deo coepit famulari.

3. Contigit gentes impias

Per singulas provincias

Ad suos ritus profanos

Compellere Christianos.

4. Crispinus praesul subdolus,

Comperto, quod Ferreolus

Esset vere Christianus,

Statim misit in hunc manus.

5. Blandis, minis, verberibus,

Compedibus, carceribus

Et usque ad mortem pressus,

Semper Christum est confessus.

R. Beatus Ferreolus,

Virtute fidei armatus

Et dono Dei securus,

Rhodanum ingreditur

Et fusis precibus

ad Dominum

In ulteriorem

ripam transcurrit

V. Elementa servo Dei

Ferreolo famulantur,

Dum per omnem Rhodanum

Sine demersione transvehitur.

Ad Magnificat.

A. Ferreole,

Te ferrum limatum,

Ferro ligatum

Ferro litatum,

Martyrem

Ac patronum beatum

Petimus, nobis obtine,

Omni pulsa rubigine

Coelesti frui lumine.

Ad Matutinum.

Invitatorium.

Regem sempiternum pronis

adoremus mentibus,

Qui martyrem suum digne

pro meritis

Coronavit Ferreolum.

In 1. Nocturno.

Antiphonae.

1. Beatus vir Ferreolus,

Quem de semita justorum

Non traxit hostis subdolus

Per devia peccatorum.

2. Quare fremuerunt

Gentes contra eum,

Reges astiterunt

Incolentes Deum?

3. Domine, multiplicatio

Ferreolo passionum

Est effecta benedictio

Ad vocem orationum.

Responsoria.

1. Divina providentia

Nomina consonantia

Rebus imposuit,

Et sub ferri materia

Ferreolo cum gloria

Nomen attribuit.

V. ''Nomine aeterno haereditavit

illum Dominus Deus noster.

''2. Inter principes saeculi

Et frequentias populi

Carnem, hostem, mundum vicit,

Totum Christo se subjicit.

''V. Memor verbi Domini redde-

bat, quae erant Caesaris,

Caesari et, guae Dei, Deo.

''3. Ferrum de terra tollitur,

Igni purgandum traditur,

Cuditur malleo,

Ferreolus eripitur

Ab idolis et patitur

Tormenta pro Deo.

V. ''Beatus vir, qui suffert tenta-

tionem, quoniam, cum proba-

tus fuerit, accipiet coronam

vitae.''

In 2. Nocturno.

Antiphonae.

1. Cum invocaret Dominum,

In quo firmiter speravit,

Sciant filii hominum,

Quod sanctum mirificavit.

2. Verba mea,

clamat, intellige,

Viam meam

ad coelos dirige.

3. Domine, noster Dominus,

Minuisti paulominus

Fcrrcolum ab angelis,

Quem tecum trahis in caelis.

Responsoria.

1. Ferreolum, militem inclitum,

Christianum, Crispino prodi-

tum,

Praesul jubet idolis servire

Aut in eum minatur saevire.

V. ''Justus non conturbatur, quia

Dominus firmat manus ejus,

''2. Ferreolus carceratus

Tenetur in compedibus,

Vinculatus, oneratus

Ferri magnis ponderibus,

Nec a divinis laudibus

Cessat vir beatus.

V. ''Sciebat enim, se socium passio-

num futurum esse et conso-

lationum.''

3. Somno die tertia

Custodes premuntur,

Sponte patent ostia,

Vincula solvuntur,

Rhodani recta via

Gressus diriguntur.

V. ''Qui Petrum in mari, ne mer-

geretur, erexit, Ferreolum per

fluvium secure tansvexit.''

In 3. Nocturno.

Antiplionae.

1. In Domino confidens

A Domino respicitur,

Quem Deus justum videns,

Ab eo plus diligitur,

2. Domine, sine macula

Ferreolum invenisti,

Quem tua tabernacula

Inhabitare fecisti.

3. Domine, in virtute

Tua nobis praesta,

Colere cum salute

Ferreoli festa.

Responsoria.

1. Post Rhodani transitum

Martyr in agone

Reddit Deo spiritum

Percussus mucrone,

Obtinet per meritum

Praemium coronae.

V. Corona aurea super caput ejus,

'' expressa signo sanctitatis.

''2. Effusione sanguinis

Ferreoli dedicatur

Ope divini numinis

Locus, in quo tumulatur,

Caput sancti Juliani

Cum eodem collocatur.

V. Quomodo enim in vita sua

dilexerunt se, ita etper mortem

'' non sunt separati.

''3. Jesu bone, fide firma

Ferreolo nos confirma,

Per precatum fiant firma,

Quae in nobis sunt infirma.

V. Praestet hoc nobis deitas beata

Patris ac nati pariterque sancti

Spiritus almi.

In Laudibus.

Antiphonae.

1, Ferreolus, felix miles,

Sciens mundi res exiles,

Praeelegit munditiam,

Quae dat aeternam gloriam.

2, Ferreoli constantia

Per blanda, per supplicia

Probatur ex passione

In Christi confessione.

3. Ferreolo multiplicant

Multi tormenti cumulum,

Sed rumpit, quidquid applicant,

Qui benedicit saeculum.

4. Ferreolum martyrio

Post carceris ergastula

Coronavit pro praemio

Gloriosus in saecula.

5. Ferreole, miles Christi,

Qui terrena contempsisti,

Jam laudas cum martyribus

Dominum in coelestibus.

Ad Benedictus.

A. O mira res, sub habitu

Mundanae militiae

Mundano mundus ambitu

Soli regi gloriae

Ferreolus militavit,

Quem martyrem coronavit

Christus; hujus precibus

Laetemur in coelestibus.

In 2. Vesperis.

Ad Magnificat.

A. Ferreole, munde mundo

Conversatus in immundo,

Ab immunda mundi faece

Nos emunda tua prece.